廣場飯店

Open Now

Now Closed

因為本身有全年證，以往幾年都會去迪士尼食一次聖誕大餐。今年個package有得揀廣場飯店，所以同朋友商量過之後決定去呢間。價錢：$538/位，兩位起計套餐有1湯、1飯、3道菜 + 1飲品 & 甜品（可以參考餐牌）我哋book咗5:50pm，普通女生份量。男士的話如果唔飽，建議係園內小食亭買其他嘢食。龍蝦湯最好加胡椒粉，會夠味啲三文魚蟹籽炒飯唔錯，不過三文魚碎得1-2粒手撕雞ok，但拼盤叉燒又乾又硬炸蟹鉗好食牛肉粒出奇地係全餐讚賞度最高甜品啫喱奶凍無驚喜最後飲品揀咗熱朱古力，正常以呢個錢同埋對比其他園內餐廳，個人覺得有點兒失望。食物質素略為遜色，廁所衛生差過園內其他廁所。不過服務態度係好嘅，安排入座亦好有系統。不過園內只有呢間中式餐廳，另一間係食雲吞麵。所以如果冇特別要求，建議可以試其他餐廳。