蘭香茶餐廳

Open Now

Now Closed

首先我係蘭香長久以來的鐵客，不過今日初來新店光顧，令我非常陌生。餐單完全不同、咖啡奶茶衰過普通茶記，仲要貴夾唔好食😓一個鷄扒撈面加杯熱飲七十幾蚊，仲邊度係街坊生意。出品無左姨丈同老闆娘，真係差過同街幾間茶記。作為荃灣區一間經營幾十年的老店，睇住嘉樂換人之後只顧收錢不顧食物質素，為何不引以為鑑。以前的蘭香人情味濃，食物質素荃灣茶記數一數二，雖然衞生向來一般，但老店免不了有小強出現。現在的確燈火通明，但人去樓空，名字尚在卻人面全非。最愛的豬扒及炒米已成絕響，根本不是心中的那蘭香。又少咗一間可以常去的地方。