倫哥火鍋私房菜 (Closed)

如果搭交通工具，呢度嘅位置的確要行一段路。不過如果揸車的話，呢度就係好選擇，因為左近車位任你泊，加上呢度食嘢無限時，落地玻璃門又睇到出面，都唔錯㗎~食咗呢個餐，我家細佬已經响其他店食過幾次，話質素好唔錯，有機會要試試，所以$288都無懸念~因為同行有小朋友，所以揀咗bb辣雞煲，食咗一啖已經決定下次一定要試中辣，佢嘅「麻」好夠，辣味亦夠惹味，而且份量好足，雞肉亦唔似得有啲店得層皮同骨，而係啖啖肉，好滿足。再嚟海鮮盤，雖然2人份只得半隻蟹，但隻蟹肉質好鮮甜，好想enchore呀～蚌類亦非常新鮮鮮甜，蟶子皇完全無沙，大蝦好爽口，係好有質素嘅海鮮盤呀～生蠔煮後無縮水，絕對係靚料~手切牛肉味香濃，有嚼頭得嚟又唔靭，嗜牛人士一定大滿足~孩兒對魚皮同響鈴極為鍾愛，仲話唔放湯一樣仲好食強烈推介呢兩款蝦滑及墨魚滑，蝦滑故意加入完整蝦肉，墨魚滑亦係加咗墨魚片，口感層次豐富得多~任食嘅丸類同雲吞餃子等，老實講，其實都好好食，但我哋兩個老人家已經飽到不得了。我諗呢個就係真的假不了~燕窩燉蛋白，甜度適中，但質感非常幼滑，絕讚~ps:呢度嘅員工尤其係有位樓面姐姐非常周到，好好禮貌兼時刻留意住我哋嘅需要，今時今日呢