Video
Read full review
2011-11-22
64 views
尋晚(21-11-2011 Mon)同女友人RL一齊學完DIY潤唇膏後就食晚飯,我一早諗定o左去附近恆威商業中心o既樓上café,點知o個座大廈o既正門開o係陰深o既後巷,感覺奇差,所以唔上去.而我又記得沿砵蘭街向油麻地行都有兩間地下o既café,於是行過去,但RL話貴,望過對面有粥粉麵飯,我又唔想食酸辣米線,於是o黎呢間,RL一睇個名就大讚係好o野o黎.我o地入到去都重有位,RL好快就叫個$26.00o既鮮魚片麵,我睇完menu就要$26.00o既柱侯牛腩撈麵,加一碟$10.00o既油菜,要芥蘭.但RL見有滷水雞腳又想試,問我食唔食?我答一般啫,但一碟$45.00o既佢又食唔晒,於是o係鮮魚片麵o度加,亞姐答咁要$35.00,RL話冇問題.等o左一陣,芥蘭到o黎,RL吩咐唔要有油,同蠔油要唧o係一邊,亞姐都照做.好,食喇.油菜大大碟,顏色翠綠,RL唔覺意揩到蠔油,佢話好味.然後佢o既雞腳鮮魚片麵到o黎,雞腳有三隻,RL畀一隻我食,好夠腍同都幾有味,帶點粘性.最後我o既柱侯牛腩撈麵到o黎,RL都食啲牛腩,佢又大讚好味,牛腩同樣好腍亦入味,牛筋都係,撈麵好爽口,生魚湯滾熱辣亦夠味,食到我
而我又記得沿砵蘭街向油麻地行都有兩間地下o既café,於是行過去,但RL話貴,望過對面有粥粉麵飯,我又唔想食酸辣米線,於是o黎呢間,RL一睇個名就大讚係好o野o黎.
我o地入到去都重有位,RL好快就叫個$26.00o既鮮魚片麵,我睇完menu就要$26.00o既柱侯牛腩撈麵,加一碟$10.00o既油菜,要芥蘭.但RL見有滷水雞腳又想試,問我食唔食?我答一般啫,但一碟$45.00o既佢又食唔晒,於是o係鮮魚片麵o度加,亞姐答咁要$35.00,RL話冇問題.
等o左一陣,芥蘭到o黎,RL吩咐唔要有油,同蠔油要唧o係一邊,亞姐都照做.好,食喇.
油菜大大碟,顏色翠綠,RL唔覺意揩到蠔油,佢話好味.
然後佢o既雞腳鮮魚片麵到o黎,
雞腳有三隻,RL畀一隻我食,好夠腍同都幾有味,帶點粘性.最後我o既柱侯牛腩撈麵到o黎,
RL都食啲牛腩,佢又大讚好味,牛腩同樣好腍亦入味,牛筋都係,撈麵好爽口,生魚湯滾熱辣亦夠味,食到我好飽.估唔到o衣o家重有咁平靚正o既o野食,我即刻介紹畀男友,同下次有機會可以再o黎.
Post
