大榮華圍村菜 (Closed)

老牌酒樓逐漸式微，朋友好耐無食過中菜，我就帶佢去灣仔大榮華圍村菜。門外招牌已經反映到酒樓歷史悠久，客人多數喺熟客，我就喺其中之一。平時多數食晚飯，晏晝飲茶就第一次。酒樓有好多傳統點心，例如糯米包，果然無令我失望，糯米做得軟綿綿，必食！但喺其他包就有啲失望，例如蓮蓉包，做得比一般酒樓差，水晶包...唔吸引...馬拉糕喺飲茶必叫，朋友好鐘意食，仲誇張到直豎拇指！！大榮華炒飯尤其出色，賣相有啲似福建炒飯，但喺比福建炒飯更好食！