紅樹林餐廳 (Closed)

上個禮拜的一個下午，約左個朋友葵涌廣場傾野，所以去左紅樹林食lunch，貪佢坐得舒服d同好似環境都好d，見到佢有個優惠"12:30前離座午餐$27"，不過我12:15先到，都算啦豪比佢。叫餐過程簡直係災難．．．叫咩都要重覆佢先聽到，都算，但黎餐又黎錯，到我發現佢杯水有隻蚊子，叫佢換杯水比我啦，佢又聽唔清楚，問左我兩次係咪要暖水，COME ON，我剩係要一杯水，我唔無specify要暖水定凍水，唉！真係唔想比面色佢睇，但呢度d waiters都有d問題，不怪，不過連收錢個個部長都唔知頭唔知路，就有點兒那個．．．講返食野先，當日叫左個龍利柳飯，塊魚又硬又唔好食，仲有個唔知咩汁又無味，差不多有半碟飯係食剩左，總之各位，去出面吉魚蛋都唔好入呢間野度食呀，又貴，服務又差，又唔好食。