佰古嗲

Open Now

Now Closed

筆者是星馬菜迷，朋友間無人不知，甚至有人叫我帶團遊檳城。帶團我就無能為力，但同朋友係本地搜尋下有咩星馬餐廳，倒是可以。最近，就發現了新開的佰古嗲。牆上貓咪的畫作，讓我聯想起璧畫街，大家有同感嗎?店名叫得佰古嗲，無理由唔點肉骨茶吧！大滲兩個人肯定食唔晒，要個小的，再試多些別的東西更好。茶湯是無限添加，家陣配料仲多免費多來一款，變相肉骨茶是買一送一。除左我哋原本想吃的三層肉外，還可以食埋我既第二之選，雞腳。呷口湯，湯頭夠熱，藥材味偏重，是馬來版本。三層肉與雞腳之間，我會投雞腳一票。另點了芽菜雞配黃薑飯，不喜歡黃薑飯的話，轉白飯都可以。同埋，加十蚊雞就可以轉髀，可樂之不為?再來的黃金醬虎蝦，虎蝦的體型沒預期中的巨大，但份量蠻多的，蝦肉要徹底咁沾上咸蛋黃細，愈邪惡才愈快樂。串燒豬牛雞各一，平時我必會首選牛肉，但今餐反而豬和雞比較穩陣。吃星馬菜，一定要有杯拉茶，才入型入格。