Wheatfield X 羅宋湯專門店 (青衣城) (Closed)

今日晏晝本身打算同朋友去行山，所以出發之前去咗青衣城食嘢。本身諗住食附近嘅其他舖頭 但係因為太多人，誤打誤撞之下嚟咗呢一間餐廳食嘢。62蚊有羅宋湯然後再加一款餸同埋麵食。咁我就叫咗牛腩烏冬。Qr code落單，5分鐘內送到，勁快，嚇親我。羅宋湯佢有啲辣，不過湯既味道夠濃郁，食完都唔會口乾乾，都幾好飲。同埋佢有好多菜，鍾意菜嘅朋友都可以試下。烏冬個份量都夠嘅咁我哋就加咗12蚊要多咗兩隻雞翼咁佢都炸得幾脆。希望下次可以試多啲新嘅菜式，因為佢都有好多有創意嘅菜式，例如撈麵。