麥當勞

Open Now

Now Closed

之前出過嘅黑白包無機會食，今日終於食到！黑色包係牛肉，簡單講係兩塊漢堡扒，仲有薯蓉同煙肉，生菜，其實真係幾heavy不過又幾好味喎！黑包佢話係墨魚汁？？不過講真我又食唔到黑包有咩味道，不過覺得配搭幾好味，雖然漢堡扒好乾，但配上類似千島汁嘅醬就唔錯，煙肉同薯蓉嘅口感亦好豐富。總括來說，味道來講係幾好味，不過黑包嘅存在感好低，因為真係食唔出有咩特別，得個黑字。不過$28我覺得值得一試。椒鹽蟹shake shake粉薯條得胡椒味，驚喜不大，建議食返bbq蜜糖！