Video
Read full review
2021-09-15
1265 views
餐廳：90s Lazy (觀塘)地址：觀塘成業街19-21號成業工業大廈4樓6號舖之前去過旺角樓上黃Cafe @90slazyhk 嘅兩間店打卡，但原來先施店喺啱啱5月結業咗，轉移陣地8月中喺觀塘成業工業大廈4樓捲土重來，一知道呢個消息緊喺要去撐吓佢哋啦💪入到門後就見到簡約嘅風格同裝修，以白色同木系為主，有少少日系感覺🇯🇵，相信同時都喺配合返Cafe「懶惰90後」嘅主題😂，真喺入型入格，不過其實都幾有文青feel，打卡都唔錯㗎📸✝️懶人包 $128知道懶人包入面賓尼迪蛋(Egg Benedict)喺觀塘店限定先有，而旺角店喺以全麥多士取代，所以點都要叫嚟試吓😎。呢個signature breakfast set有煙味燒烤腸、香草豬肉腸、香脆煙肉🥓、煙三文魚、烤番茄🍅、賓尼迪蛋、薯餅、粟米🌽、沙律🥗、茄汁豆共十樣食物，十全十美🤪。睇吓個賓尼迪蛋切開蛋黃流出嚟嘅樣幾吸引🤤✝️明太子蟹肉忌廉汁扁意粉 $138明太子同忌廉汁味道嘅拿捏做得幾好，味道香濃而唔會太over，入口滋味而唔會太膩👍，雜菌🍄、蟹肉、明太子同紫菜嘅配搭令成個意粉食落口感層次豐富、扁意粉彈牙得嚟唔會太硬或者過腍，幾好食😋叫晚餐可
地址：觀塘成業街19-21號成業工業大廈4樓6號舖
之前去過旺角樓上黃Cafe @90slazyhk 嘅兩間店打卡，但原來先施店喺啱啱5月結業咗，轉移陣地8月中喺觀塘成業工業大廈4樓捲土重來，一知道呢個消息緊喺要去撐吓佢哋啦💪
入到門後就見到簡約嘅風格同裝修，以白色同木系為主，有少少日系感覺🇯🇵，相信同時都喺配合返Cafe「懶惰90後」嘅主題😂，真喺入型入格，不過其實都幾有文青feel，打卡都唔錯㗎📸
✝️懶人包 $128
知道懶人包入面賓尼迪蛋(Egg Benedict)喺觀塘店限定先有，而旺角店喺以全麥多士取代，所以點都要叫嚟試吓😎。
呢個signature breakfast set有煙味燒烤腸、香草豬肉腸、香脆煙肉🥓、煙三文魚、烤番茄🍅、賓尼迪蛋、薯餅、粟米🌽、沙律🥗、茄汁豆共十樣食物，十全十美🤪。
睇吓個賓尼迪蛋切開蛋黃流出嚟嘅樣幾吸引🤤
✝️明太子蟹肉忌廉汁扁意粉 $138
明太子同忌廉汁味道嘅拿捏做得幾好，味道香濃而唔會太over，
入口滋味而唔會太膩👍，雜菌🍄、蟹肉、明太子同紫菜嘅配搭令成個意粉食落口感層次豐富、扁意粉彈牙得嚟唔會太硬或者過腍，
幾好食😋
叫晚餐可以以半價加配特色飲品，朋友叫咗杯凍抹茶朱古力(半價$25)🍵，
而我就叫咗杯熱嘅焙茶鮮奶咖啡(半價$26)☕️，
值得留意吓所用嘅杯墊同杯都好特別，可以幫佢哋影張靚相😆
Post
