Video
Read full review
2023-12-23
59 views
以前喺黑布街開業多年嘅HeSheEat，最近搬咗去波鞋街嘅The Forest，餐廳光猛咗又大咗，裝修主要以日式木系風格為主，坐得比以前更加舒服。龍蝦汁海鮮燴意大利飯($158): 海鮮配料多，有大蝦、帶子、魷魚、蜆，龍蝦汁香濃，唔會過咸，意大利飯煮得岩岩好，汁唔會太多汁。安格斯芝士牛肉漢堡配薯條($132): 漢堡包烘得香脆，中間嘅漢堡扒兩面煎得香脆，中間帶少少生，爆多肉汁。呢度嘅薯條係我最鍾意嘅薯條，連埋薯皮一齊炸，十分香脆。燕麥乳酪奶昔($44)、夏日水果茶($40):呢度嘅特飲十分特別，奶昔用咗乳酪加上燕麥打成，飲落酸酸甜甜同時食到粒粒燕麥，幾開胃。水果茶以熱情果果汁做底，飲落酸酸甜甜，十分解膩。士多啤梨、芝士餅軟雪糕巴菲($72): 牛奶雪糕勁濃厚勁幼滑，中間有少少士多啤梨醬同埋芝士餅餅碎，味道同雪糕十分夾。朱古力Oreo刨冰($70): 刨冰幼細，入口即溶，不過朱古力醬味道一般，如果士多啤梨嘅話應該更好食。整體嚟講主菜款式同以往分別不大，不過甜品嘅款式就比以前多，呢間餐廳一直以黎都係打卡靚靚同時味道又唔錯，最啱帶女朋友過嚟食。
龍蝦汁海鮮燴意大利飯($158): 海鮮配料多，有大蝦、帶子、魷魚、蜆，龍蝦汁香濃，唔會過咸，意大利飯煮得岩岩好，汁唔會太多汁。
安格斯芝士牛肉漢堡配薯條($132): 漢堡包烘得香脆，中間嘅漢堡扒兩面煎得香脆，中間帶少少生，爆多肉汁。呢度嘅薯條係我最鍾意嘅薯條，連埋薯皮一齊炸，十分香脆。
燕麥乳酪奶昔($44)、夏日水果茶($40):呢度嘅特飲十分特別，奶昔用咗乳酪加上燕麥打成，飲落酸酸甜甜同時食到粒粒燕麥，幾開胃。水果茶以熱情果果汁做底，飲落酸酸甜甜，十分解膩。
士多啤梨、芝士餅軟雪糕巴菲($72): 牛奶雪糕勁濃厚勁幼滑，中間有少少士多啤梨醬同埋芝士餅餅碎，味道同雪糕十分夾。
朱古力Oreo刨冰($70): 刨冰幼細，入口即溶，不過朱古力醬味道一般，如果士多啤梨嘅話應該更好食。
整體嚟講主菜款式同以往分別不大，不過甜品嘅款式就比以前多，呢間餐廳一直以黎都係打卡靚靚同時味道又唔錯，最啱帶女朋友過嚟食。
Post
