天糖鳥 (Closed)

我哋係去過幾次舊鋪，之後見到佢哋轉咗新鋪 就急不及待過嚟食。 中式甜品嚟講天堂鳥比較天然，好多自己打磨嘅堅果糖水， 我本來好鍾意食佢哋嘅芝麻糊，合桃糊。另一個好處就係佢哋雖然係甜品舖，佢哋既食物係少甜嘅， 好似我呢啲又想食甜品又唔想太甜嘅人就啱啱好喇。新鋪嘅地址更加方便， 鋪面更加大但係 一睇menu發覺冇咗以前啲set，d野又加哂價有d失望。 以前鍾意食佢嘅糖不甩 但見到呢個價錢而家就唔會再叫。今日要咗佢哋嘅桂花蜜鮮淮山 ，仲有一碗金沙腰果露(糊） 。淮山其實係冇乜味嘅係要交啲桂花蜜嚟調味 ， 桂花蜜真係好香 食落去 好有層次 淮山我個人就真係一般般囉。而腰果露呢係我點嘅，我好鍾意食堅果磨出嚟嘅甜品。 唔知係處理嘅問題，定係堅果 太多係會咁 ，我食落去覺得有少少酸。 唔係好可以去enjoy個甜品每一啖都係最後有個微酸黎結束。好奇怪坐喺新鋪裏面 靠牆坐嘅我同朋友仔 隻腳好痕， 坐比較出點其他嘢食嘅朋友仔佢哋就完全冇事。 好似有好多嘢咬咁？！同埋鋪頭多咗賣佢哋風水嘅擺設，我覺得甜品鋪張枱放返甜品介紹會開心啲。 咁當然舖頭係人哋嘅擺咩上枱做宣傳，又真係按個店主嘅心意我尊重嘅。結論係， 試完