抹茶館 (Closed)

揸車黎沙田去玩具反斗城買玩具，因為就黎開生日會啦！契仔契女份禮物點少得呢？買完同老公周圍搵野食，最後揀左抹茶館餐牌好似更改過，之前不是這樣的，叫左芝士雞肉蕃茄忌廉烏冬味香又濃，我睇表面我以為得芝士同忌廉，仲心諗：蕃茄呢？點知飲啖汁先feel到香濃的蕃茄味，表面睇無紅色的，相信係已經將蕃茄磨爛晒，烏冬彈牙有咬口！黎到梗係唔少得叫個甜品啦！抹茶最中御膳成Set野都好日本feel，有一球綠茶雪糕，又凍又甜，仲有一排紅豆蓉，好似豆沙餅入面d豆沙，好甜，連埋兩塊似遮既餅又夠靚啦！