Video
Read full review
2014-12-23
1322 views
一行10個人去深井，唔一定食燒鵝，可以試下其他餐廳！呢間西餐廳好耐之前食過！特色係由間村屋地下伸延出來，加帳篷做頂！雖然係帳篷，但都圍得好細緻！而且枱櫈都四正！有晒乾淨枱布同餐具！坐嘅係籐椅，唔係摺櫈！帳篷仲吊住啲好靚嘅吊燈！一啲都唔馬虎！ 因為十個人，店員仲好好幫我們拍張長枱一齊坐！坐低第一樣比餐牌，然後問我哋飲水或茶！天氣凍！來一杯熱騰騰嘅茶！好幸福！ 大家都即刻叫食物，店員好耐心覆單！然後落埋湯！好快麵包到咗，一藍有好多個麵包，熱辣辣，外脆兼好鬆軟，好香麥味，我唔搽牛油食，更加食到個麵包原味，仲可以添食，我食咗3個！之後雜菜羅宋湯，微辣好濃，蔬菜好多，好味！之後上主菜：燒汁一級紐西蘭西冷扒配高纖米--賣相好靚，西冷扒有牛味，無筋，做到我要嘅5成熟，燒汁好滑，唔會搶走牛味，本來餐牌係黑椒汁，但我唔鍾意黑椒！所以轉咗燒汁！欣賞佢已經在碟邊比咗黃芥辣（平時其他餐廳要問先比）米飯鬆軟，蔬菜唔多，但好爽脆，唔錯！飲品選擇好多，天氣凍！我要熱薑檸蜜，配埋一塊杏仁餅！檸蜜好濃但唔辣，好滋潤！但塊餅好硬！咬崩牙！甜品有紐約芝士餅，份量唔細，芝士餅好挺身，好濃芝士味，天氣凍，面頭酸忌廉硬咗唔夠
因為十個人，店員仲好好幫我們拍張長枱一齊坐！坐低第一樣比餐牌，然後問我哋飲水或茶！天氣凍！來一杯熱騰騰嘅茶！好幸福！ 大家都即刻叫食物，店員好耐心覆單！然後落埋湯！好快麵包到咗，一藍有好多個麵包，熱辣辣，外脆兼好鬆軟，好香麥味，我唔搽牛油食，更加食到個麵包原味，仲可以添食，我食咗3個！之後雜菜羅宋湯，微辣好濃，蔬菜好多，好味！
之後上主菜：
燒汁一級紐西蘭西冷扒配高纖米--賣相好靚，西冷扒有牛味，無筋，做到我要嘅5成熟，燒汁好滑，唔會搶走牛味，本來餐牌係黑椒汁，但我唔鍾意黑椒！所以轉咗燒汁！欣賞佢已經在碟邊比咗黃芥辣（平時其他餐廳要問先比）米飯鬆軟，蔬菜唔多，但好爽脆，唔錯！
飲品選擇好多，天氣凍！我要熱薑檸蜜，配埋一塊杏仁餅！檸蜜好濃但唔辣，好滋潤！但塊餅好硬！咬崩牙！
甜品有紐約芝士餅，份量唔細，芝士餅好挺身，好濃芝士味，天氣凍，面頭酸忌廉硬咗唔夠軟！帶唔出個味道！
咁多食物連加一，都係$75，男仔都食到捧住個肚走，間中有店員過來問下需要（因為我們在最外面！）好抵食！
大家食下傾下偈！盡情享受！
Post
