Video
Read full review
2011-06-02
1343 views
唔明點解會有笑臉咖？我都係因為嗰30個笑臉俾佢昆咗而去買團購。嗰次係我第二次買團購，因為第一次感覺良好，所以開始團購生涯。正因為剛開始，唔知原來有好多團購網可以幫襯，怕蘇洲過後無艇搭，以為呢度好抵，一買買咗４sets，諗住分兩次２人去食。點知就喇嘢。唉，唔想嘥錢，第二次都要去食咖，慘～罪証如下：１．明明團購話有兩款主菜可以揀，但次次都話無雞。第一次訂話無，我以為訂晒，咁橫掂我唔好食雞，咁算啦；點知過一排改期後，又話無；打咗四五次全部話無雞囉～！但去到食明明隔離兩枱都有雞。２．成日話full晒，有無咁full啊？明明我去到都仲有位。３．啲嘢來得勁慢，好彩我哋兩個係諗住hea啫。４．難食。無論其他幾好，嘢難食就夠大罪啦，何況無樣好？卡邦尼意粉乾爭爭又硬呱呱，梗胃囉，難食到我食唔晒。凱撒沙律紅色嗰隻菜係苦咖，我梗係揀出來唔食啦。
我都係因為嗰30個笑臉俾佢昆咗而去買團購。嗰次係我第二次買團購，因為第一次感覺良好，所以開始團購生涯。
正因為剛開始，唔知原來有好多團購網可以幫襯，怕蘇洲過後無艇搭，以為呢度好抵，一買買咗４sets，諗住分兩次２人去食。點知就喇嘢。
唉，唔想嘥錢，第二次都要去食咖，慘～
罪証如下：
１．明明團購話有兩款主菜可以揀，但次次都話無雞。第一次訂話無，我以為訂晒，咁橫掂我唔好食雞，咁算啦；點知過一排改期後，又話無；打咗四五次全部話無雞囉～！但去到食明明隔離兩枱都有雞。
２．成日話full晒，有無咁full啊？明明我去到都仲有位。
３．啲嘢來得勁慢，好彩我哋兩個係諗住hea啫。
４．難食。無論其他幾好，嘢難食就夠大罪啦，何況無樣好？卡邦尼意粉乾爭爭又硬呱呱，梗胃囉，難食到我食唔晒。凱撒沙律紅色嗰隻菜係苦咖，我梗係揀出來唔食啦。
Post
