Video
Read full review
2014-01-01
765 views
香港這個冬菇真太冷， 周不時得十度八度， 飲食都以暖食為主，一係淥吓淥吓一係韓式BBQ， 係食得痛快不過成日食得多都悶啦，可況太燥熱喇所以面上嘅粒粒越爆越多， 苦腦！ 昨晚太陽一下山走到街上面寒風迎面而嚟， 睇完戲八點半有多想搵D暖嘅嘢食，個腦不其然又諗起打邊爐不過二人異口同聲都話：「唔好喇啩！今個星期食咗三餐喇！」 開車一路兜一路睇有咩好食駛到深水圳朋友突然話佢今年未食過蛇就不如搵蛇食啦， 即刻上openrice 摷吓好快揀咗蛇王協因為見介紹除蛇羹外仲有小菜喎，不過由於差不多九點怕未去到已經關門所以專登打電話問吓啦，接聽電話嘅男士話大概十點收， 跟住話星期六十點半收都會， 然後話十一點收都有可能....， 噢！聽落佢意思係: 「你嚟啦，唔洗問喇！」 Ok收到即刻泊好車行過去。店內有一張大圓枱，裡面有D細枱而檣兩邊見倒嘅枱同櫈都可以坐，自己執生搵到張小方枱，枱頭一望有一排木製櫃上面寫住「毒蛇」喺我哋後面， 正心想會唔會有蛇爬出之制店員走過嚟話裡面無蛇咖唔洗驚。 想知有咩食望吓檣上當眼嘅瑩光紙牌介紹就知咖喇。 睇D名: 過山烏、蛤蚧、山瑞確實從來未見過更加未食過， 穩陣D都係叫返D熟悉嘅
店內有一張大圓枱，裡面有D細枱而檣兩邊見倒嘅枱同櫈都可以坐，自己執生搵到張小方枱，枱頭一望有一排木製櫃上面寫住「毒蛇」喺我哋後面， 正心想會唔會有蛇爬出之制店員走過嚟話裡面無蛇咖唔洗驚。 想知有咩食望吓檣上當眼嘅瑩光紙牌介紹就知咖喇。 睇D名: 過山烏、蛤蚧、山瑞確實從來未見過更加未食過， 穩陣D都係叫返D熟悉嘅:大蛇羹、龍鳳(蛇雞)煲，個煲仔菜會跟兩碗白飯同一碟菜，但又想食糯米飯喎所以店員就提議要碗糯米飯換兩碗飯， deal正合我心意。
蛇羮分大、小size, 大size都夠兩個人share嚟食。枱上面有檸檬葉絲、薄脆、調味，按個人喜好調配。 呢度嘅薄脆非常脆卜卜，而且仲帶有南乳味，淨食都好好味。 蛇羮湯較清唔會杰噠噠可以清楚見到蛇絲、木耳等材料，料好足全部都切得粗幼適中，每一口都非常滿足。
糯米飯有好多腊味粒，米身乾爽每粒分明無一舊舊，雖然較淺色但味道好夠，唔算油膩。
蛇雞煲整製作雖時都等咗成廿分鐘呀， 用煲仔上嚟到揭蓋就知好有鑊氣，蒸氣湧起散發出陣陣香味，未食都流口水呀。 有半隻雞份量仲有好多蛇腩， 味道有D似奇味雞煲有蒜子同乾葱， 雞肉厚無肥膏而蛇腩第一次食估唔到肉質唔"un"容易咬好多肉，有一排長骨好似魚腩咁， 好好味喎。
依家有蛇宴提供可半席， 一於約埋班friend去擦番一餐試齊所有蛇嘅美食。
Post
