kitchen J (Closed)

星期日非常悠閒，想出去食飯但係又吾想去d人多擠逼既尖沙咀、旺角…仲有咩地揀呢………諗左一陣，不如去紅磡黃埔搵食啦 果度真係好多選擇中、西、意、法、日咩菜色都有我地今晚就揀左黃埔美食坊其中一間食肆“Kitchen J"。原本都有其他選擇既，不過侍應姐姐話食二百減一百…又好似幾抵喎，哩間又未食過試下都ok 啦～幸好入去既時間都尚早，可以安排到卡位俾我地坐 而位置都好ok, 仲可以望到入廚房睇住d廚師整嘢食。我地果晚叫左個煙三文魚沙律、雞翼配薯條、pizza以及番茄焗飯。味道平均嚟講幾好味~煙三文魚沙律 -- 都幾新鮮配以甜酸汁, 真係好醒胃~雞翼配薯條($38)-- 味道都吾錯, 雞翼炸得好香脆 上面仲洒左d 孜然粉 (可惜份量太少了, 一隻雞翼分開一半。一碟都係得兩隻,吾夠喉)pizza -- pizza個餅底好薄身, 以為會好鬆脆...可惜口感不似預期, 有點硬又帶點韌 好不容易才咬得開, 味道總算過得去。番茄焗飯 -- 沒有驚喜, 份量迷你 味道尚可。