Video
Read full review
2023-03-12
2260 views
又喺同老婆輕鬆嘅週末時光，早上同佢出「荃新天地」睇早場，睇完之後剛好喺午餐時間，就由佢帶我嚟到The Base Nature」 食晏，點解嚟呢間，其實喺佢同朋友試過，成日想話帶我嚟試吓，所以，今次就順理成章過嚟一試。雖然餐廳挨住商場，但裏面環境唔錯，以木系為主調，中庭位置做成屋頂形，加上放置唔少植物，營造出一間農舍小屋模樣，予人有份小清新嘅感覺。而走到餐廳尾，有一小排單向窗口吧枱位，由於餐廳一邊喺落地大玻璃窗，所以，呢一邊感覺更開揚，加上今日陽光普照，讓人就更感清爽舒服。餐枱上，除咗放好全黑型格嘅餐具外，仲放有大大支清水，其實，支水無咩特別，只喺有個樽套包住。午市套餐包自助沙律吧，主菜任揀一款（$88-$148），再配指定飲品，另外，仲有好多彈性選項，例如加錢配是日餐湯啦，加配是日蛋糕啦，同埋升級其他飲品都得。有樣嘢值得讚好，就喺唔收加一。自助沙律吧沙律吧就喺餐廳最篤篤嘅角落，選擇唔算多，包括芝麻汁雞絲沙律、雜沙律菜、車厘茄、西瓜、三絲沙律、青瓜甜粟沙律、薯仔藜麥沙律，再加上幾款醬汁同幾款配料，但作為一份前菜都已經好足夠喇。此外，晌右邊仲擺咗少少小杯裝甜點，不時轉款，都有拎到一小杯木糠
雖然餐廳挨住商場，但裏面環境唔錯，以木系為主調，中庭位置做成屋頂形，加上放置唔少植物，營造出一間農舍小屋模樣，予人有份小清新嘅感覺。
而走到餐廳尾，有一小排單向窗口吧枱位，由於餐廳一邊喺落地大玻璃窗，所以，呢一邊感覺更開揚，加上今日陽光普照，讓人就更感清爽舒服。
餐枱上，除咗放好全黑型格嘅餐具外，仲放有大大支清水，其實，支水無咩特別，只喺有個樽套包住。
午市套餐包自助沙律吧，主菜任揀一款（$88-$148），再配指定飲品，另外，仲有好多彈性選項，例如加錢配是日餐湯啦，加配是日蛋糕啦，同埋升級其他飲品都得。有樣嘢值得讚好，就喺唔收加一。
自助沙律吧沙律吧就喺餐廳最篤篤嘅角落，選擇唔算多，包括芝麻汁雞絲沙律、雜沙律菜、車厘茄、西瓜、三絲沙律、青瓜甜粟沙律、薯仔藜麥沙律，再加上幾款醬汁同幾款配料，但作為一份前菜都已經好足夠喇。此外，晌右邊仲擺咗少少小杯裝甜點，不時轉款，都有拎到一小杯木糠布甸嚟試試，還不錯。
正正選擇唔算多，所以，一碟搞掂揀晒咁多樣食物，至於沙律菜淋咗隻蜜糖黑醋汁，味道又幾唔錯喎，最緊要喺啲沙律菜夠新鮮，咬落嗦嗦聲；至於其他食材亦唔差，而且補充亦算快，食完呢道「前菜」就變得更加開胃。
泰式蟹膏忌廉汁大蝦意大利粉 $118佢哋嘅服務都幾好，會睇住客人食嘢進度先上菜，所以，兩個主菜都喺落單後隔咗段時間，等我哋食完個沙律先上，而且，兩個主菜都喺同步一齊嚟。而小弟就揀咗個意大利麵嚟試試，賣相幾精緻，蝦膏忌廉汁好香滑，啱啱好掛滿每一炷麵條，食完唔會剩番好多汁喺碟底，而大蝦確喺新鮮，食落好有鮮蝦味，口感非常爽口彈牙，更要讚嘅喺去晒蝦殼，方便食用。
泰式蟹膏忌廉汁大蝦意大利粉
$118
31 views
0 likes
0 comments
香草醬露筍菠菜米形意粉 $88米型意粉晌好多年前美麗華地庫一間意大利餐廳食過，甚有驚喜，都好似好耐無見呢款意大利粉，所以，今次再遇就唔好錯過，重溫一下，加上全素就更加啱我老婆。睇樣又喺覺得好正，因為面頭灑滿巴馬臣芝士，芝香四溢，入口米形意粉有意大利麵嘅咬口，但又有少少似食緊飯咁，感覺好過癮，粒粒包滿芝士汁，鹹香好味，而露筍非常幼嫩，爽脆無渣。
香草醬露筍菠菜米形意粉
$88
26 views
0 likes
0 comments
是日精選蛋糕 +$30見佢哋啲主菜做得有水準，所以，臨上飲品前，再追加一道甜品試試，是日嘅蛋糕喺三重朱古力蛋糕，又喺好啱我哋嘅口味。朱古力海綿蛋糕底加朱古力慕絲餡，再加一層軟朱古力上面，最後灑上唂咕份，咁嘅組合無得輸。整體朱古力味好濃郁，中間嘅朱古力慕斯做得好滑溜，面頭嘅軟朱古力好軟滑香濃，喺海綿蛋糕唔知喺咪雪耐咗，有微微乾身，小小美中不足。
檸檬薑茶老婆一向鍾意飲熱茶，所以，喺茶類方面揀咗呢杯檸檬薑茶，當然，檸檬同薑都唔喺新鮮貨加落去，而喺一個茶包搞掂晒，不過飲落茶味幾清幽，滲出微微檸檬香，點點薑嘅辛辣味。
拿鐵咖啡 +$10我就加錢要杯拿鐵，其實都算幾抵，又大大杯，拉咗少少花，唔花巧只喺普通心形，亦唔喺好細緻，不過杯咖啡本身就有一定質素，飲樂咖啡味好順和，口感亦都好柔滑，沖泡嘅手勢都算平均，咖啡配甜品無得講都喺一絕！
睇完早場，食到飽飽，最後，就梗喺順便晌荃灣一帶掃掃貨，買吓海味，行吓AEON，算喺滿載而歸先打道回府。
Post
