兩味工房 (Under Renovation)

今日一朝早就去咗灣仔摩利臣山嗰邊見過客睇下個裝修。講起以前經常都會喺呢頭玩，所以對呢邊都好熟悉，特別印象深刻就係必定去188商場睇下啲玩具、遊戲等等，所以今日重遊舊地都難免有啲回憶。依家啲私樓真係越起越細、越起越納米，真係寸金尺土。由於今日都要用成日嘅時間處理，所以中午都求其買啲嘢係單位嗰度食埋就算。落到去樓下見到環境依舊，但係啲舖頭都唔同晒，經過活道見到除咗有啲小食店之外，仲有係香港開到成行成市嘅兩餸飯，講開我都真係好少買。既然今日啱啱遇着剛剛，咁就同個同事一齊食啦，行經一間叫做兩味工房舖頭，門面細細但係見到鋪面都好清晰放咗啲餸櫃出嚟，就咁睇大約有16款餸左右，每款都好精緻咁放喺啲碟上，而見到個價錢又唔算太貴，最後我哋兩個人嗌咗兩盒三餸飯。由於都係Share食，最後一次過嗌咗六個餸同兩盒飯，兩個男人叫既大部份都係肉類，最後叫咗：香煎雞扒、蒜香豬頸肉、洋蔥牛肋肉、炸雞髀、脆炸魚柳同照燒肥牛金菇卷。店員好快處理好我哋就返上單位開餐啦~~~ 嗰啲食物都好夠熱，而且賣相都算精美。首先佢嘅香煎雞扒煎得皮脆肉嫩，份量亦都算大塊；蒜香豬頸肉，豬頸肉切得都比較厚，入口肉質先嫩；洋蔥牛肋肉，除咗洋蔥煮