Video
Read full review
2025-01-23
1683 views
東南亞菜之中，以越南菜、泰國菜食得比較多，最近就同老友聚舊，相約過到嚟尖東嘅酒吧餐廳「MAMTOM」食晚飯，店家主打就喺新派東南亞菜，無論環境、食物、招呼，各項嘅體驗都好唔錯，所以，藉此分享一吓。開得晌尖東，除本地客，咁就梗喺以遊客為主要目標對象。鋪前有一大片室外座，如果天氣唔太凍，坐室外會比較更舒服，是晚氣溫其實都有啲寒，但加設有火爐，所以，都見到好幾枱客揀咗室外位。我哋呢啲頂唔到風嘅，就梗喺揀坐室內。其實坐向室內都好唔錯，整體裝修摩登得嚟有啲藝術感，紅磚牆之上，無咗太傳統嘅裝飾，相反天花就裝置咗一啲特色波波燈、划船嘅木杖，加上柔和燈光，蠻有氣氛。一大張餐牌，分咗類別為燒烤類、前菜、湯麵、主菜、配菜及甜品，菜名有中文譯名，不過，好細粒，挑戰我嘅老花，哈哈；另一張超長形嘅喺飲品餐牌，所有菜式都喺散點，無咩套餐選項。香辣雞肉沙嗲 $128雖然話賣東南亞菜，但都會融入西式元素，就好似呢道沙嗲，完全同平常所見嘅沙嗲串燒好唔同，先喺串起嚟嘅雞肉就大大件，好似食雞扒咁，啖啖肉，最正就喺肉質嫩滑，雞皮燒得有啲焦香，唧上少少青檸汁，添加幾分清爽感。而下面嘅醬汁餐牌就寫住用上香茅、大蒜、椰子、辣椒做成
開得晌尖東，除本地客，咁就梗喺以遊客為主要目標對象。鋪前有一大片室外座，如果天氣唔太凍，坐室外會比較更舒服，是晚氣溫其實都有啲寒，但加設有火爐，所以，都見到好幾枱客揀咗室外位。
我哋呢啲頂唔到風嘅，就梗喺揀坐室內。其實坐向室內都好唔錯，整體裝修摩登得嚟有啲藝術感，紅磚牆之上，無咗太傳統嘅裝飾，相反天花就裝置咗一啲特色波波燈、划船嘅木杖，加上柔和燈光，蠻有氣氛。
一大張餐牌，分咗類別為燒烤類、前菜、湯麵、主菜、配菜及甜品，菜名有中文譯名，不過，好細粒，挑戰我嘅老花，哈哈；另一張超長形嘅喺飲品餐牌，所有菜式都喺散點，無咩套餐選項。
香辣雞肉沙嗲 $128雖然話賣東南亞菜，但都會融入西式元素，就好似呢道沙嗲，完全同平常所見嘅沙嗲串燒好唔同，先喺串起嚟嘅雞肉就大大件，好似食雞扒咁，啖啖肉，最正就喺肉質嫩滑，雞皮燒得有啲焦香，唧上少少青檸汁，添加幾分清爽感。而下面嘅醬汁餐牌就寫住用上香茅、大蒜、椰子、辣椒做成，有別一般沙爹醬重花生味，呢個就帶點辣勁，食落成個人醒晒。
香辣雞肉沙嗲
$128
0 views
0 likes
0 comments
其中一款主菜叫烤肉米粉，可以選配炭烤雞肉、羊肉、牛柳、炸綠木瓜拼豆腐，我哋就揀咗配牛柳，此外配料仲包括芽菜、青瓜片、醃漬青木瓜絲、紅蘿蔔絲、炸紅蔥頭、花生碎，再淋上自家製嘅蔥油魚露，將所有食材撈勻，好有星馬菜嘅「撈起」，拌勻之後入口，味道多層次，口感極之豐富，啲牛柳又軟腍，幾特別嘅菜式。
炭烤封門牛柳米粉
$158
3 views
0 likes
0 comments
印象中，東亞東南亞菜比較少用紅鯛，通常都喺烏頭多，而呢道菜用上紅鯛，固然升格咗，原條紅鯛非常吸晴。條魚蒸得啱啱好，肉質超嫩滑，且富魚鮮味，確喺好鮮甜細緻，而冬陰功湯味道酸酸辣辣，辣得嚟唔會好嗆喉，令人好開胃，再者，湯內有唔少菇菌同粉絲，喺一道好豐富嘅魚鮮菜式。
冬蔭蒸紅鯛
$298
0 views
0 likes
0 comments
芥蘭苗 $58一餐飯總要有多啲蔬菜平衡吓，配菜類中有多款蔬菜菜式，揀咗個泰式炒芥蘭苗，翠綠嘅芥蘭苗睇落好靚仔，入口仲保留到少少脆口感，灑滿炸蒜粒，自不然更加香口惹味。
炸香蕉配椰子雪糕 $118最後唔少得食個甜品作結，本來就好想試榴槤糯米飯，好可惜賣晒。不過，呢款炸香蕉我哋都好有興趣試，香蕉沾上粉漿去炸，食落外層好甘脆，香蕉肉軟腍香甜，仲伴有兩大球椰子雪糕，並灑滿花生粒同淋上糖漿，實在美味。
炸香蕉配椰子雪糕
$118
2 views
0 likes
0 comments
小弟成日講，依家啲酒吧餐廳真喺唔可以睇少，做菜好有水準，而餐廳嘅服務好到位，店員亦都非常有禮貌，上菜嘅速度啱啱好，唔急又唔慢，令人用餐輕鬆悠閒，值得推薦！
Post
