摩登堂 (荃灣廣場)

Open Now

Now Closed

今日同朋友咁啱喺附近放工，所以決定喺附近搵吓嘢食，見到呢間泰式餐廳就入嚟，加埋呢排咁熱，過嚟食吓啲泰式夠消暑。我哋嗌咗一個蟹肉蟹黃炒飯，泰式炒通菜同埋香茅烤豬頸肉配泰式醬，跟住當然唔少得泰式奶茶同埋甜品黑糖珍珠糯米糍。呢度空間足夠，坐得夠舒服，仲擺晒啲泰式手標奶茶罐喺度做裝飾真係夠晒泰。電話落咗單之後呢好快就有嘢食送上嚟。通菜可以轉做蒜蓉，啱晒唔食辣嘅我，好夠味！香烤豬頸肉啲豬頸肉唔會好韌，面頭脆脆地，配埋啲泰式醬酸酸甜甜，好好味。我最鍾意就係呢個蟹肉蟹黃炒飯，足料仲有大量蟹肉蟹黃，而且肉拆得好乾淨。飯粒比較乾身，粒粒分明，夠口感。加拿杯泰式奶茶，夠晒消暑。最後食埋個甜粉黑糖珍珠雪米糍，珍珠夠大粒，用黑糖漿配埋雪米糍外皮煙韌，夠晒咬口，正。呢度仲有上菜機械人，好有趣，好玩。