Video
Read full review
2014-12-07
8659 views
上次同屋企人嚟食飯時，已聽過店主講佢哋除主打摩登中菜外，更有搞吓私房菜，仲趁唔同季節加入時令食材，就好似踏入深秋，大閘蟹喺時令，就以蟹粉入饌，一早約定一班好友，一試「大力棒棒」嘅蟹粉私房宴 。食得私房菜，使費都相對較大，就以今餐為例，6道菜加兩個甜品，每位$400，另加餐前小食及加一，基本茶芥就免咗。而消費夠$2,000又可以要廂房，自成一角「嘈嘈貢」都唔怕影響他人，咁我哋傾偈亦靜局方便啲。 話梅花生、酒醃蘿蔔 $10 / 碟 以兩個人一碟計，即平均每人$5前菜費都好濕碎，今時今日計都唔算收得貴，其實，上次都同店主傾開前菜收費嘅問題。對比起以前嘅煙鴨胸，今次兩個前菜都甚有特色，前者話梅花生腍腍哋，又甜甜哋，頗有話梅香，令人幾開胃；後者酒醃蘿蔔爽脆清香，滲出淡雅酒味，濃度低，純粹提升一吓大家胃口 。 自家製薏米水、洛神花茶 $32 / 壺雖然私房菜包基本茗茶，但額外飲品就要另外收費。薏米水加咗少少蜜糖沖調，味道卻較為清淡，但朋友話有健脾袪濕之效；而洛神花茶喺專燈推介俾朋友，因為酸咪咪，既開胃，又消滯，仲補血氣,總之，點都有益過飲汽水啦 。曾試過店家嘅小食，既特色，又好食，明
食得私房菜，使費都相對較大，就以今餐為例，6道菜加兩個甜品，每位$400，另加餐前小食及加一，基本茶芥就免咗。而消費夠$2,000又可以要廂房，自成一角「嘈嘈貢」都唔怕影響他人，咁我哋傾偈亦靜局方便啲。
話梅花生、酒醃蘿蔔 $10 / 碟 以兩個人一碟計，即平均每人$5前菜費都好濕碎，今時今日計都唔算收得貴，其實，上次都同店主傾開前菜收費嘅問題。對比起以前嘅煙鴨胸，今次兩個前菜都甚有特色，前者話梅花生腍腍哋，又甜甜哋，頗有話梅香，令人幾開胃；後者酒醃蘿蔔爽脆清香，滲出淡雅酒味，濃度低，純粹提升一吓大家胃口 。
話梅花生、酒醃蘿蔔
116 views
0 likes
0 comments
雖然私房菜包基本茗茶，但額外飲品就要另外收費。薏米水加咗少少蜜糖沖調，味道卻較為清淡，但朋友話有健脾袪濕之效；而洛神花茶喺專燈推介俾朋友，因為酸咪咪，既開胃，又消滯，仲補血氣,總之，點都有益過飲汽水啦 。
自家製薏米水、洛神花茶
73 views
0 likes
0 comments
晾衫白肉 $78 晌之前嘅食評都介紹過，所以就唔多提，套用朋友嘅食後感，就喺既香且麻，腩片配青瓜爽而不膩，整體辛香鮮爽，喺一道開胃前菜，加上賣相別緻有驚喜。
晾衫白肉
111 views
0 likes
0 comments
同樣都曾經試過，水準無乜走樣，蝦肉鮮甜彈牙，多士香脆不油，的確喺極香口嘅「小食」。
大蝦球鍋貼
83 views
0 likes
0 comments
炸香嘅魚頭片再以椒鹽爆炒，惹味喺必然。魚片頭入口爽彈而有魚鮮味，外層又脆脆，喺略嫌椒鹽味唔夠重手，相信重手少少仲能夠突出魚鮮味，久唔久一次半次唔健康少少都OK啦！
椒鹽魚頭片
70 views
0 likes
0 comments
雞絲粉皮本應已經試過喇，不過，店主話加咗一個麻辣版，又即管睇睇喺點。麻辣版以自家製麻辣醬代替芝麻醬，果然辛麻刺激，辣得醒神；而雞絲幼嫩，粉皮滑溜，口感不俗。
麻辣雞絲粉皮
43 views
0 likes
0 comments
頭盤（三小食）
果然摩登，就連擺盤都搞點新意思，碟邊印上樂譜及小蝴蝶，三小食嘅擺設又各有唔同形態，務求未食睇見都令人開心，因為個賣相都搞到大家談論咗數分鐘先捨得落手。三小食分別喺士多啤梨豚肉、炸廣島蠔及香煎帶子，幾樣都精緻小巧，味道亦絕不遜色，豚肉掛滿士多啤梨汁，外層帶點脆而滿有果香；炸蠔酥脆甘香，一咬咔嚓作響；帶子鮮甜肉厚，汁香濃蜜 。
頭盤（三小食）
123 views
0 likes
0 comments
色澤深沉而清澈見底，湯料喺龍喺鳳一望就知，加上即場撈起嘅湯渣，無得呃。燉雞湯無添加，飲落清甜滋潤，秋冬更啱，再者，蟲草花性質平和，對增強人體免疫力有一定的作用，多吃無妨。
蟲草花螺頭燉雞湯
75 views
0 likes
0 comments
蟹粉蒜包 第一道蟹粉菜式卒之出場，嘩！打開蓋，不得了，原汁原味嘅一小瓦鍋蟹粉以蠟燭台座熱保溫，蟹粉份量十足，又不容易因凍咗變腥，大廚嘅心思抵讚。而3片蒜蓉多士烘得香脆，配熱辣辣蟹粉食，效果真喺出奇地好，蟹粉 甘香鲜美，蟹膏豐腴鲜香，如蒜蓉多士嘅蒜味再減些少，跟蟹粉鮮香味更平衡 。
蟹粉蒜包
72 views
0 likes
0 comments
蟹粉花膠炒鮮奶 正所謂一不離二，第二道蟹粉菜隨即登場，大量橙紅亮麗嘅蟹粉鋪晌雪白嘅炒鮮奶之上，下面再墊有花膠絲，不單派頭十足，更喺搶眼非常。蟹粉晌上道菜都知其底蘊唔多講，炒鮮奶做得嫩滑細膩，淡淡嘅奶香配合濃郁嘅蟹粉鮮，不得不俾個讚，仲有有咬口嘅花膠，令整道菜口感唔單一 。
蟹粉花膠炒鮮奶
47 views
0 likes
0 comments
估唔到以中西合壁嚟做依道麵食，烏卒卒嘅墨魚麵非常煙韌有咬口，個卡邦尼汁又做得有水準，充滿芝士香味之餘，厚度啱啱好，令麵條掛滿汁又唔會瀉番落嚟；至於啲鮮蝦，大隻，爽口，以天婦羅方式製作，炸得甘金，如去埋殼就更窩心。
卡邦尼鮮蝦墨魚麵
81 views
0 likes
0 comments
海鮮蝦球浸時蔬 最後一道菜喺時蔬類，賣相好精緻，猶如高級中菜廳用餐。由於湯底味鮮濃香，所以，連帶紹菜都十分清甜好食，加上爽彈新鮮嘅蝦球，不油不膩，清清味蕾，為尾聲作一個緩衝，好接住品嚐甜品 。
海鮮蝦球浸時蔬
50 views
0 likes
0 comments
雖然都只不過喺椰汁糕同桂花糕，但賣相加點花巧，視覺幻彩一啲，捧出嚟個客嘅感覺都好唔同，當然，質素都仲喺要唔失禮先得，否則好睇唔好食又喺唔掂。兩款糕基本上都夠冰涼，椰汁糕做得平滑，富椰汁香，而桂花糕晶瑩加上以花模吸成，清淡幽香，好睇好食。
冰鎮鴛鴦糕
75 views
0 likes
0 comments
拔絲巨峰提子、士多啤梨 又一個賣相有驚喜嘅甜品，其實，襯咩生果都其次，巨峰提子及士多啤梨固然都喺香甜好食嘅水果，但啲「拔絲」做到如髮絲般纖幼，撕下一小片，食落有脆卜卜嘅感覺，幾過癮架 。
拔絲巨峰提子、士多啤梨
57 views
0 likes
0 comments
雖然只喺有兩道喺蟹粉菜式，但整體嚟講已好足夠，尤其個蟹粉蒜包。此外，菜式嘅配搭亦見功夫，不負摩登之名，而且，賣相更見心思，絕不求其，務求色香味全，所以，今夜確喺好稱心嘅一晚。
Post
