祥香茶餐廳 (Closed)

只不過係之前兩個禮拜嘅事，宣布呢間老牌茶餐廳11月30日就會結業，今日只不過係10月22日下晝2:30左右，已經大大張紙貼出嚟客人眾多，超出咗佢哋預算嘅食材供不應求提早閂門！😵‍💫我係專登由銅鑼灣搭叮叮過去，其實早兩日已經去過一次，不過當日知道自己真係遲咗（5:45先到達），佢閂咗門都情有可原！不過今次⋯⋯⋯以我嘅記憶我應該去過一次食過佢嘅菠蘿包奶茶，我係比較鍾情呢啲舊式嘅茶餐廳，佢仲有兩層，更加難能可貴，仲要有埋即製新鮮麵包喺門口賣）😍推介佢嘅獨創蓮蓉雞尾包，我諗想試都冇乜希望，可能要一早去到或者平日嘅時間？可以想像真係the last嗰日會發生咩情況，就好似九龍城嗰間。唔怪得啲店主咁樣講嘅「平時又唔見啲人嚟幫襯，一聽到話結業就蜂擁而至，有嘅時候又唔珍惜⋯」唏噓嘅係以後剩返嗰啲連鎖店無哂特色。