源品車仔麵茶餐廳

Open Now

Now Closed

呢間舖頭成日都比附近嘅茶餐廳搶咗風頭，不過其實佢嘅撈車仔麵都幾好味。本人推介撈腸粉，因為其他舖頭未必搬入腸粉，腸粉要即日賣晒如果唔係就唔新鮮。$46可以配凍飲或者熱飲， +3種車仔麵嘅食物。我比較鍾意食煎午餐肉，咖喱魷魚，牛腩，同埋雞翼都幾入味。之前叫過豬大腸就一般，有一浸豬臭味。整體每樣餸嘅份量都幾大！你亦都可以配醬汁，我試過配牛腩汁或者係咖喱汁。本人覺得牛腩汁冇乜味，咖喱汁配上腸粉就一流。嚟到之後你仲可以自己加甜醬花生醬等等，順帶一提入面嘅阿姐服務態度都好好，佢亦都唔會推介你食邊樣小食。最後之前試過食佢湯嘅車仔麵，我就覺得佢湯底比較淡，推介撈麵-撈腸粉。