炯記燒味

Open Now

Now Closed

有一排都冇去過炯記，都幾掛住佢啲鵝油撈麵，今日咁啱響附近，就過咗去食晚餐。呢幾個月遊客多咗好多，發覺無論係外國人或者內地人都有去幫襯。我同朋友入到去，職員就招呼我哋坐低同埋俾餐牌。未叫嘢食就放低咗兩碗例湯，超好人。清湯牛魔王撈麵 $72有幾舊牛腩同埋好多牛肚燒鵝撈麵 $68好多燒鵝，燒鵝好入味，好食兩個撈麵都係餸同埋麵分開，方便大家share食，我覺得呢個做法幾好。而且佢啲撈麵真心大碟又好食。冬菇扒生菜 $22必點，呢個真係性價比高，好多粒冬菇，而且係乾冬菇炆嘅，唔係新鮮冬菇，碟菜又好大碟。冬菇豬手 $30 兩隻因為同埋朋友都係大餸的人，就叫多兩隻豬手一人一隻。唔加冬菇就係$25，因為朋友好鍾意食冬菇，所以比多$5 要多幾粒冬菇。因為叫咗撈麵或者飯，就可以加$5有嘢飲，好抵，叫咗兩杯凍檸檬茶。$200左右就已經食到好滿足。