炯記餐室 (沙咀道)

Open Now

Now Closed

超鍾意食野既小絲又帶左我去食啲唔知乜野。入到來先知係食燒味，呢度有樣特別既野食就係用鵝油來撈麵，一般舖頭做法都係用蠔油麻油來撈麵，鵝油撈麵都係第一次聽。小絲點左好健康既唔知乜菇+撈麵。當然我點了招牌燒鵝+撈麵。好快就到，外觀睇都幾大碗，以呢個價錢，賣相不錯。我當然第一時間食撈麵先啦，佢比我既初步印象係好乾，唔係每條麵都有油，所以會痴到一個麵餅咁，不過問題不大，用筷子撈散佢就可以，另一樣好影響味道既係，撈麵除左落鵝油同一啲豉油上色外，這碗撈麵就無其他調味，所以突出左好強烈既鹼水味。燒鵝比我既覺是不太新鮮，減肥既小絲仲幫我食左幾件。食完之後，呢一餐都幾膩，所以我地去左路德圍買豆腐花，仲係咁多人排隊。