Video
Read full review
2020-04-21
258 views
【黃店推介 - 中西區山下黃舍 - Al Forno Pizzeria🍕】🐷🐷💭大家好！返工日繼續介紹中西區山下黃舍嘅小店! 為左試唔同嘅餐廳, 今次老豆決定行遠啲!! 由IFC行20分鐘去SOHO區, 沿半山天橋上其實好舒服!! 行多啲路對身體好!!🤪小店有意粉同pizza 嘅set lunch, 都係$7X-$8X, 有湯有嘢飲, 佢哋都加入左山下黃舍食店, 儲嘅係藍色印仔! 🐷🐷💭小店因為租約同武肺夾擊, 只能堅持到30/4!! 🥺🥺希望大家狠狠懲罰, 幫佢哋籌集資金搵新店啦! 限聚令下少左好多位, 食客要耐心等候入座, 或者叫外賣都得!! 小店收cash 同payme!!❗️註: 基於唔少黃店告急甚至倒閉, 支持黃店除左人海戰術比錢食嘢, 其實仲可以做多少少! 1. 預先預約好餐廳, 講定人數定準時到達!2. 到達後唔好掛住傾計, 入座前睇定食咩, 甚至落定單!3. 有人排隊的話, 食完避免閒聊, 盡快夾錢埋單比其他手足入座!4. 太多人排隊嘅話其實手足可以行遠少少去支持其他冇咁出名嘅黃店!5. 堂食滿座可以考慮叫外賣, 關心埋公司/家中藍絲, 搵佢哋夾埋一
🐷🐷💭大家好！返工日繼續介紹中西區山下黃舍嘅小店! 為左試唔同嘅餐廳, 今次老豆決定行遠啲!! 由IFC行20分鐘去SOHO區, 沿半山天橋上其實好舒服!! 行多啲路對身體好!!🤪小店有意粉同pizza 嘅set lunch, 都係$7X-$8X, 有湯有嘢飲, 佢哋都加入左山下黃舍食店, 儲嘅係藍色印仔!
🐷🐷💭小店因為租約同武肺夾擊, 只能堅持到30/4!! 🥺🥺希望大家狠狠懲罰, 幫佢哋籌集資金搵新店啦! 限聚令下少左好多位, 食客要耐心等候入座, 或者叫外賣都得!! 小店收cash 同payme!!
❗️註: 基於唔少黃店告急甚至倒閉, 支持黃店除左人海戰術比錢食嘢, 其實仲可以做多少少!
1. 預先預約好餐廳, 講定人數定準時到達!
2. 到達後唔好掛住傾計, 入座前睇定食咩, 甚至落定單!
3. 有人排隊的話, 食完避免閒聊, 盡快夾錢埋單比其他手足入座!
4. 太多人排隊嘅話其實手足可以行遠少少去支持其他冇咁出名嘅黃店!
5. 堂食滿座可以考慮叫外賣, 關心埋公司/家中藍絲, 搵佢哋夾埋一份, 到店自取效果更佳(而家外賣公司收好貴)!
6. 最後少少table manner, 請將用過嘅抹口紙巾放餐碟上, 或者最好連同用過口罩自己帶走自己掉垃圾, 侍應太忙執台時多數冇手套, 好易受感染架🥺!
🐷🐷💬🌟1️⃣午市套餐 - 蒜香白酒蝦意粉($88)
+周打蜆湯+熱咖啡
先嚟餐湯, 好香濃, 奶味幾重, 硯肉數埋有成十粒, 好抵飲!! 意粉份量適中, 而且好彈牙!! 蝦有4-5隻, 好香蒜蓉同清清嘅酒香, 仲有番茄仔同香草做配料! 最後以一杯醒晨熱咖啡為下半場繼續加油!!💪 全日午餐仲要免加一呀!!
🐷🐷💬🌟2️⃣午市套餐 - 白汁煙肉意粉($78)
+周打蜆湯+熱咖啡
好味又抵食自然成為左豬仔飯堂, 好快再試下其他抵食意粉! 白汁煙肉意粉即係港式卡邦拿意粉, 可以+$10加蛋黃令意粉更杰身同香濃!! 今次午餐唔食太heavy，所以我哋冇加到。純滑嘅忌廉汁, 配咸咸哋而且分量唔少嘅煙肉, 一啲都唔會太淡口! 餐湯餐茶繼續係冇得輸嘅周打蜆湯+熱咖啡組合!!
🐷🐷💬🌟3️⃣午市套餐 - Pizza套餐 ($74-$84)
小店出名手作PIZZA, 多人嘅可以叫幾款share 食! 價錢大部仲平過意粉餐架!!
Post
