Video
Read full review
2016-05-24
1234 views
深水埗近黃金電腦廣場既一間樓上火鍋店，鍋呵呵個名就好得意啦，有咩咁特別呢，真係要試過先知。鋪面地方唔大，但都坐得舒服，伙記都好好服務，加湯加水都好快手幫我地 星期五晚上都有不少食客，佢地就推介我地叫個二人套餐，椰子雞煲+海鮮拼盤!!!都只係398，加一再除番開每人都係二百零蚊，就有半隻雞再加海鮮，牛同豬肉拼盤仲有菜，真係超值!!又唔使諗黎諗去所以我地就直接嗌左呢個餐。可以揀常見既辣雞煲，想清d就嗌左椰子雞煲，因為平時食得多又油又辣既雞煲，所以今次試下耶子雞煲先。先放左半隻雞落去，雞件大大件好有份量，半隻咁多唔呃人架。煲左大約十分鐘反下D雞差唔多就食得，食落肉質都好滑，不過除左椰子仲未有咩味，跟住就放蓮藕同淮山落去煲下個椰子雞湯。除左肉仲有蔬菜同菇食下，基本上一個邊爐要食既送都有齊曬。個拼盤黎到既時候：嘩～好似好多野食，安格斯肥牛d雪花好靚好均勻，肥牛豚肉同魚片都切得好薄。豚肉同牛肉都好快熟所以好快俾我地清左，切得又薄而且好有肉味！海鮮方面，個人最鐘意食鯇魚片，魚肉一變白色就即刻食得，好滑好新鮮，仲冇骨tim。珊瑚蚌同海花螺都好食，爽爽地咁樣，海蝦好鮮甜，一食就食得出食材新鮮。另外d丸
鋪面地方唔大，但都坐得舒服，伙記都好好服務，加湯加水都好快手幫我地
星期五晚上都有不少食客，佢地就推介我地叫個二人套餐，椰子雞煲+海鮮拼盤!!!都只係398，加一再除番開每人都係二百零蚊，就有半隻雞再加海鮮，牛同豬肉拼盤仲有菜，真係超值!!又唔使諗黎諗去所以我地就直接嗌左呢個餐。可以揀常見既辣雞煲，想清d就嗌左椰子雞煲，因為平時食得多又油又辣既雞煲，所以今次試下耶子雞煲先。
先放左半隻雞落去，雞件大大件好有份量，半隻咁多唔呃人架。煲左大約十分鐘反下D雞差唔多就食得，食落肉質都好滑，不過除左椰子仲未有咩味，跟住就放蓮藕同淮山落去煲下個椰子雞湯。
除左肉仲有蔬菜同菇食下，基本上一個邊爐要食既送都有齊曬。
個拼盤黎到既時候：嘩～好似好多野食，安格斯肥牛d雪花好靚好均勻，肥牛豚肉同魚片都切得好薄。豚肉同牛肉都好快熟所以好快俾我地清左，切得又薄而且好有肉味！海鮮方面，個人最鐘意食鯇魚片，魚肉一變白色就即刻食得，好滑好新鮮，仲冇骨tim。珊瑚蚌同海花螺都好食，爽爽地咁樣，海蝦好鮮甜，一食就食得出食材新鮮。另外d丸都好特別，唔係平時食開個幾種，重點係：超彈牙！！！太好食啦
另嗌既肥牛一碟，比較厚身而且花紋都冇套餐個種咁靚，但食落都唔差，厚左比較似牛肉片。
雞件煲左成幾鐘再夾黎食d肉都仲係滑架～個湯煲到最後吸收曬d精華緊係要試一試，好濃郁既雞湯味，仲有d海鮮加料所以更加甜。
飲品係凍冰冰柚子蜜
Other Info. :
打邊爐最緊要除左係個爐，d料都好緊要架，食得出用料新鮮，坐得又舒服，呢個價錢黎講都係一個唔錯既選擇。
(The above review is the personal opinion of a user which does not represent OpenRice's point of view.)
Post
