Felice Cafe & Pasta (Closed)

今晚黎支持下呢間位於希雲街既黃店，門面最多彩色memo 果間就係喇～鋪頭細細但坐得舒服。✨食物選擇唔算好多，但貴精不貴多～今日食既全部都唔錯😋✨叫左兩杯奶蓋茶，本身想叫白桃，點知轉左做葡萄柚，真係錯左錯著😆。呢個葡萄柚個味酸酸甜甜好香，加上杰杰地既奶蓋，真係好咸香好好飲。另一杯叫左百香果味，呢杯相對味道酸d, 雖然都好飲，但最後我都係鍾情葡萄柚😍。✨海膽黑松露忌廉汁扁意粉（$138）：橙黃色既海膽大大塊好吸引，好快半啖啪晒入口，味道甘甜嫩滑。忌廉汁好creamy 同好香黑松露味，但食落唔會有膩既感覺，個扁意粉超掛汁👍✨蒜片鮮蝦辣肉腸意粉（$88): 呢個意粉食落辣辣地又幾惹味，平時唔食得辣既我都食得到。個意粉仲好香蒜味，質地好乾爽同入味。蝦肉夠彈牙，辣肉腸煎到少少脆幾香口。