八幡屋涮涮鍋 (Closed)

今晚同老公撐枱腳，撇開囝囡享受二人世界。平常少去的油塘大本營原來有好多食肆，三樓是大食代food hall ，行到最入內有間火鍋放題店，橫掂經過又想烚烚下一於試下。由於時間尚早人流不多，編排了卡坐，好舒服喔！先選湯底，老公話今晚食豪啲，一於來個新推出的海膽龍蝦湯，味道果然鮮甜。半隻龍蝦拆開一大塊肉好鮮美。海膽放湯夠甘香。澳洲牛肉質比較結實一點，牛味香濃。美國牛肉質反而軟腍，但肉味相對較淡。數款海鮮任叫仼食。我最鐘意海蝦，爽脆彈牙夠新鮮。墨魚丸，魚蛋，腸仔，瓜類，蔬菜類，各式各樣排列整齊，任君選擇。老公最喜歡刺身話夠鮮，鮑魚鮮甜，三文魚肥肥，赤貝不錯。甜品只有雪糕杯，是我兒時常食的品牌，可懷舊一番。