屋喔 (Closed)

星期日到旺角睇戲，諗住試下新野，家姐講過幾好食，就去試下！我叫左個明太子卡邦尼意粉，飲珍珠奶茶，套餐配32蚊嘅飲品要加十蚊！朋友叫左個唔知咩花蟹籽意大利闊條面，飲薄荷朱古力！我個意粉幾好食，好香明太子嘅味道，份量唔係太多，我食完都唔夠飽，不過都有煙肉同菰，幾足料！朋友嗰個就伏到喊，睇落好似好夠味，但食落完全一啲味都無，好離奇，係好似白焯咁，難食到朋友要問佢攞美極先入到口。。。我杯珍珠奶茶還可以，但我覺得太細杯，俾多少少都得掛！朋友杯薄荷朱古力完全無薄荷味，朱古力唔夠濃唔夠香。。。成餐飯我都笑我朋友係咪你樣衰得滯，特登煮咁難食俾你呀？