Kbites (Closed)

踏入農曆七月唔通真係時運都低d！原本食晚飯既餐廳，因為食物水準攪到食唔飽，唯有轉場再食。諗住近近地去對面嘅韓國餐廳食個快餐，點知⋯⋯點左泡菜豬肉鍋、芥末黑醋炸雞半份$66、啤酒一支，合共$144我本身對泡菜鍋情有獨鍾，所以要求比較高，自己亦有上網睇Maangchi既教學，泡菜豬肉鍋熱辣辣咁上枱，但個湯顏色咁淺色，就知道辣椒粉應該落得唔夠多，試咗一啖，味道確實偏淡。豬肉係厚切嘅豬腩肉，肥膏佔2/3，另外店主加了豆腐、洋蔥、秀珍菇。無骨炸雞半份共有4件（小饅頭既size)即叫即做係好夠熱，個皮都好夠脆，可惜醬汁完全唔掂，冇芥末味，反而似稀釋既蠔油+少少甜醋，而且雞肉裡面完全冇味道，淨係單靠外面個層皮既味道呢d日子，無咩事都係快d返屋企吧啦後記：店舖雖然有廁所，但其實係大廈後巷既廁所，衛生情況真係大家可以選擇行遠少少去泓都對外既公廁。