麵家山下 (Closed)

今日係open rice揾到一間係元朗嘅拉麵店，於是就同朋友過嚟試下。一入去就有位戴眼鏡好有禮貌嘅員工招呼，感覺好warm。之後我地嗌左兩碗拉麵DX（黑蒜），等左一陣就有得食。麵到嗰陣，d黑蒜味不停咁散發出嚟，好香。第一樣試嘅咁就緊係湯頭la，濃郁嘅豬骨味加上黑蒜味特別飲，好有層次。叉燒燒得好香，真係好好食。至於麵質就非常彈牙，時間掌握得好好。最驚喜嘅就係隻蛋，原本係糖心蛋，真係好特別。食緊麵嘅途中，聽到老闆同佢個員工有講有笑，聽到佢地講d野我地都笑左出嚟。雖然個拉麵好好食，但係眼見呢度好少客人，真係有d覺得可惜。走嗰陣嘅一聲“多謝哂，bye bye”令我好滿足，所以我一定會再嚟！！