小城鎮 (Closed)

在這晴朗的星期日，我同好姊妹一齊撇低老公，駕車去淺水灣海灘暢泳。玩咗幾個鐘後，已經充滿餓意，但係海灘附近的餐廳的食物價格頗貴，好姊妹提議去她公司附近有間新開餐廳~Little Town(小城鎮)，環境靚，食物質素好，價格合理，既然好姊妹有車，駕車往北角也快，一於去試吓。來到餐廳小城鎮門口，從落地玻璃門看入去，環境暗黑而有情調 ; 甫入餐廳，發現以火車站為主題，火車站式既牆身再加上車輪裝飾、火車模型，甚至有一個車票售票處(餐廳結賬位置)，完全令客人進入一個歐陸式既古舊小城鎮一樣。我倆太肚餓關係，二話不說叫個精選2人晚餐B($398)前菜 是日餐湯 ~ 煙肉雜菜湯質感香滑，加入了煙肉，十分香口，還有一隻大蜆，令湯頭更鮮甜美味，仲有一塊烘得脆口嘅多士，前菜都咁豐盛，正。小食 小城鎮炸雞翼表面非常鬆脆，而吃起來不會覺得油膩，雞肉仍然好juicy。主菜 燒香草法國春雞(配魷魚圈)肉嫩鮮味，連雞胸也滑溜，加上炸得金黃香脆既魷魚圈，非常滋味。主菜 10oz 安格斯西冷牛扒配薯條(配黑椒汁)6成熟鮮嫩略帶嚼勁，口感豐富多層次 肉汁滿溢。是日甜品 時令鮮果奶凍及草莓奶凍賣相迷人，口感軟綿細滑，配合鮮果，