Video
Read full review
2022-10-06
1116 views
直至今日，無去過新浦崗大磡村食擔擔麵係人生一大遺憾，最激氣係當年日日都會經過大磡村村口，都總係過門不入，唉...... 無計! 當年年紀輕拾吓拾吓嘛.....早排知道佢地係觀塘開分店，於是走去睇睇咩環境.都係果句，人生苦短，有得享受快快享受，轉頭又話玩D咩咩紅黃藍碼唔俾入食巿，所以唔好浪費寶貴光陰餐廳改咗名叫千歲擔擔麵，環境比黃大仙店更闊落.首選當然係點擔擔麵，分正宗版同改良版，分別係改良版加上豬肉，另外亦都分辣同唔辣，我點咗改良版，走辣.另外小籠包，生煎包，蟹粉鍋巴，清炒河蝦仁各一客.清粉河蝦仁超好味無得輸，蝦仁新鮮鮮甜又彈牙，連D蔥段都好好味.小籠包皮薄但由夾起至放入口都無穿，小籠包汁夠豐富，味道適中唔會過咸，生煎飽內餡豐富，如果底部煎燶D更加夾自己口味.蟹粉鍋巴不單只有蟹粉味，隱隱約約仲有咸蛋黃味滲出，鍋巴極脆口，作為餐前小食一流.記得當年詠藜園接受訪問，曾經講過佢地嘅擔擔麵擺放一晚麵條都唔會變，我係幫襯堂食唔可能放一晚，但擺放咗約十五分鐘，麵條口感同以前食過無咩大分別，首先湯底濃郁，齋飲個湯底已經飽一半，有花生香之餘仲有我大愛嘅蔥香，麵條一條條無話斷開哂，冧身之餘有小小彈牙，麵
早排知道佢地係觀塘開分店，於是走去睇睇咩環境.
都係果句，人生苦短，有得享受快快享受，轉頭又話玩D咩咩紅黃藍碼唔俾入食巿，所以唔好浪費寶貴光陰
餐廳改咗名叫千歲擔擔麵，環境比黃大仙店更闊落.
首選當然係點擔擔麵，分正宗版同改良版，分別係改良版加上豬肉，另外亦都分辣同唔辣，我點咗改良版，走辣.
另外小籠包，生煎包，蟹粉鍋巴，清炒河蝦仁各一客.
清粉河蝦仁超好味無得輸，蝦仁新鮮鮮甜又彈牙，連D蔥段都好好味.
小籠包皮薄但由夾起至放入口都無穿，小籠包汁夠豐富，味道適中唔會過咸，生煎飽內餡豐富，如果底部煎燶D更加夾自己口味.
蟹粉鍋巴不單只有蟹粉味，隱隱約約仲有咸蛋黃味滲出，鍋巴極脆口，作為餐前小食一流.
記得當年詠藜園接受訪問，曾經講過佢地嘅擔擔麵擺放一晚麵條都唔會變，我係幫襯堂食唔可能放一晚，但擺放咗約十五分鐘，麵條口感同以前食過無咩大分別，首先湯底濃郁，齋飲個湯底已經飽一半，有花生香之餘仲有我大愛嘅蔥香，麵條一條條無話斷開哂，冧身之餘有小小彈牙，麵條沾滿美味濃湯，滿分!
食食吓見到隔離枱點咗個蔥油餅，雖然已經飽飽地，但都點咗一客外賣打包，入口蔥油味夠香口感酥脆，重有不少芝麻係面更香口.
最後要讚一讚D待應，餐廳原來要掃 QR Code 落單，我就忘記咗直接搵D待應落單，佢地都無黑面，好樂意幫我落單，有咩辦法唔俾 Like!
改良版擔擔麵
12 views
0 likes
0 comments
改良版擔擔麵
6 views
0 likes
0 comments
清炒河蝦仁
7 views
0 likes
0 comments
生煎包
4 views
0 likes
0 comments
小籠包
2 views
0 likes
0 comments
蔥油餅
1 views
0 likes
0 comments
Post
