千歲擔擔麪

Open Now

Now Closed

今日又嚟到裕民坊搵食，呢個花園平台，環境優美，乘扶手電梯上到嚟，出到呢個花園，感覺好舒服，置身園林，聽到流水聲，暫時擺低城市嘅煩囂，今日揀咗上海四川菜《千歲擔擔麵》。詠藜園擔擔麵~keep到水準，麵底擺多陣都唔會淋，麻醬花生配方做得出色，喜歡擔擔麵嘅朋友一定要嚟試下。黃金魚塊~鹹蛋黃炒唔同嘅食材，都係超好食，超美味，今次試魚柳，一樣滋味，呢個難唔到師傅，魚塊用粉漿包住落鑊炸，呢個做法可以保持到魚嘅嫩滑之餘亦冇咁易爛，最後加入鹹蛋黃沙，件件都掛滿"黃金"，美味極了。一口鍋貼~一口一隻，啱曬貪吃又要靚嘅女士們，唔使太多，又可以試多幾味。蔥爆牛肉~上海菜的蔥爆牛葱爆羊都是好受歡迎的，採用大量京蔥炒香，特別惹味。