Video
Read full review
2021-01-08
1245 views
由於有朋友食素，一早已經到訪過呢間良心純素cafe，當時店內最多只可容納約八人，要堂食相當不易。最近佢地擴充左，二店只係隔一個舖位，比以前闊落舒適得多，裝修行小清新風，木枱櫈加大量乾花擺設，連隔離枱嘅婆婆都忍唔住喺韆鞦位打卡。佢地仲係寵物友善餐廳，可以帶埋毛孩黎。🍽豬柳及芝士手工製貝果 Impossible Sausage & Cheese Bagel (套餐 $98 + 貝果 $5)呢個貝果非常足料，而且色彩繽紛，店家會烘脆先上枱，包體唔算好彈牙但都唔太淋，豬柳嘅像真度都幾高，配料有就羽衣甘藍、蕃茄、芝士同大量生菜，豬柳上仲有一層蒜蓉醬，重口味啲但同素肉幾夾。🍽泰式新豬肉及金不換葉純素墨西哥卷 Thai Omnipork Basil Vegan Burrito (套餐 $98)見好多人推薦呢款就試下，burrito 有啲厚度，食嗰陣要用啲牙力，新豬肉以粟米餅嘅形式上，同樣幾可亂真，口感似煮得耐左嘅豬肉餅，加埋泰式酸辣醬同爽口嘅蔬菜好開胃。🍽伯爵茶蛋糕 Earl Grey Cake (+$48)甜品有唔少款式，除左蛋糕外有brownie、banana bread同撻， 全部賣相都好吸
24 views
0 likes
0 comments
🍽豬柳及芝士手工製貝果 Impossible Sausage & Cheese Bagel (套餐 $98 + 貝果 $5)
呢個貝果非常足料，而且色彩繽紛，店家會烘脆先上枱，包體唔算好彈牙但都唔太淋，豬柳嘅像真度都幾高，配料有就羽衣甘藍、蕃茄、芝士同大量生菜，豬柳上仲有一層蒜蓉醬，重口味啲但同素肉幾夾。
豬柳及芝士手工製貝果
$103
20 views
0 likes
0 comments
🍽泰式新豬肉及金不換葉純素墨西哥卷 Thai Omnipork Basil Vegan Burrito (套餐 $98)
見好多人推薦呢款就試下，burrito 有啲厚度，食嗰陣要用啲牙力，新豬肉以粟米餅嘅形式上，同樣幾可亂真，口感似煮得耐左嘅豬肉餅，加埋泰式酸辣醬同爽口嘅蔬菜好開胃。
泰式新豬肉及金不換葉純素墨西哥卷
$98
22 views
0 likes
0 comments
🍽伯爵茶蛋糕 Earl Grey Cake (+$48)
甜品有唔少款式，除左蛋糕外有brownie、banana bread同撻， 全部賣相都好吸引。純素蛋糕無蛋奶會無咁鬆軟濕潤，雖然口感同平時唔太一樣，但都唔算乾爭爭，食得岀伯爵茶味，而且蛋糕有茶葉碎，忌廉就偏膩。
伯爵茶蛋糕
$48
23 views
0 likes
0 comments
🍽紅絲絨蛋糕 Red Velvet Cake (+$48)
呢款有驚喜，最初以為兩款蛋糕嘅質感係一樣嘅，但佢保留到紅絲絨蛋糕較獨濕潤同紮實嘅特點，而且甜度唔高。
紅絲絨蛋糕
$48
27 views
0 likes
0 comments
Mocha（跟餐）
套餐包一杯$52以下嘅飲品，呢度嘅奶啡用oat milk 沖，有乳糖不耐症嘅我唔駛特登加錢轉oat milk非常感動，朱古力味對我黎甜左少少，但飲落都幾香滑。
Mocha
28 views
0 likes
0 comments
Dirty (跟餐）
唔知係咪因為疫情期間轉左做即棄餐具，凍奶同咖啡較快融合，咖啡偏堅果香。畀張喺本店嘅相大家睇下。
Dirty
23 views
0 likes
0 comments
Dirty
23 views
0 likes
0 comments
Post
