Video
Read full review
2022-04-06
196 views
北區人入黎長洲，滿懷期待留肚食好嘢，見到長洲有炸雞食，好奇一試啦。等左勁耐位，最後坐門口出面，諗住叫一個餐試吓水溫，好食先追加，叫左個1號餐，$54兩件雞一份薯條加汽水，佢同我講最低消費$60，好啦咁我加多件雞$71啦。等左廿分鐘，雞槌幼過我兩隻手指，上脾得我四份一個掌心禁大。望落去黑蚊蚊乾爭爭，有幾舊皮連住好似雞翼尖咁嘅嘢，咬落先知係啲炸粉炸埋出黎嘅嘢。食落去啲肉鞋過紙皮，完全冇雞味，啲皮得個硬字。我仲有一剎那諗我係咪等位買嘢嗰陣講錯嘢畀廚房整估，真心我唔明佢憑咩收我最低消費同埋70蚊三件炸雞一份薯條囉。我一面問自己我要食炸雞點解要食呢間嘢唔食kfc jolibee要浪費自己啲quota喺長洲食呢家嘢？KFC同Jolibee都好食過佢好多倍至於薯條就大路嘢囉，周街都買到毫無驚喜嗰種。至於環境，入面位少環境細，坐出面有蝨咬，食炸雞送蚤爛。結論：一個字：後悔！兩個字：好後悔！
等左廿分鐘，雞槌幼過我兩隻手指，上脾得我四份一個掌心禁大。望落去黑蚊蚊乾爭爭，有幾舊皮連住好似雞翼尖咁嘅嘢，咬落先知係啲炸粉炸埋出黎嘅嘢。食落去啲肉鞋過紙皮，完全冇雞味，啲皮得個硬字。
我仲有一剎那諗我係咪等位買嘢嗰陣講錯嘢畀廚房整估，真心我唔明佢憑咩收我最低消費同埋70蚊三件炸雞一份薯條囉。我一面問自己我要食炸雞點解要食呢間嘢唔食kfc jolibee要浪費自己啲quota喺長洲食呢家嘢？KFC同Jolibee都好食過佢好多倍
至於薯條就大路嘢囉，周街都買到毫無驚喜嗰種。
至於環境，入面位少環境細，坐出面有蝨咬，食炸雞送蚤爛。
結論：一個字：後悔！兩個字：好後悔！
Post