南駅 (Closed)

呢間餐廳將一啲我哋成日食嘅食物用擺盆高級化晒。佢嘅食物係好食，但更重要係因為賣相非常之靚提高左用餐嘅滿足感。海南雞食入去油而不膩，肉質嫩滑，但稍為嫌佢唔夠香。油飯亦都係，有色但唔夠香。豉油用嘅係甜豉油，少少杰，鹹甜適中，但係唔夠多，唔夠撈飯食。海南雞飯仲有蒜蓉醬同酸辣醬，兩樣都冇咩特別。我嗰餐仲有跟一壺湯，同樣地，擺設擺得好靚但係冇乜味。湯入邊有湯咋，有一舊雪耳可以食。呢個海南雞飯加埋個湯份量啱啱好夠一個人食。