Mr. & Mrs. Cat & Dessert Cafe (Closed)

愛攝影的我，已經有好一段時間沒有拍攝貓，最近又萌生了這個念頭，所以今天就到了這裡。位於銅鑼灣鬧市中的樓上鋪，地理位置非常之好。餐廳內佈滿一個個高低台，方便啲貓跳黎跳去。其實一入到餐廳，已經見到好多貓喺度，不過全部都訓晒。餐廳除咗餐牌之外，仲有貓牌，貓牌上邊介紹餐廳有嘅每一隻貓，其中深刻印象係有一隻貓叫做張志明，但係唔知點解無春嬌。講返餐牌，都係一般貓cafe有嘅食物同埋飲品。手工果茶手工果茶一渣上，見到茶裡面好多果肉，倒落杯仔飲之後，發現果茶啲味道幾濃，有少少酸酸澀澀，味道唔錯。冷洞庭烏冬配自家調配鏗魚昆布汁首先將烏冬加入自家調配鏗魚昆布汁，撈勻之後再食，味道有少少酸酸地好開胃，而且烏冬好爽口又滑如果可以有埋餸，肯定更加吸引。玫瑰花雕貓雞翼店員會將一個玻璃瓶， 拎到你嘅枱前。原來將玻璃瓶打開，醉雞就已經喺裏面仲有花雕浸住。未食已經聞到好香嘅花雕味，入口更加完全感受到，花雕酒完全深入雞翼入面，非常入味。食飽之後又繼續玩貓，當然要拎部相機出嚟，同佢拍返寫真。之前去過其他貓餐廳，都會因為果度嘅貓太活躍，所以影唔到佢哋。反而今次啲貓唔係話好活躍，咁我就可以慢慢影飽佢。