上海三六九菜館

Open Now

Now Closed

老一輩的人一定對＂三六九＂或＂橋家柵＂唔會陌生！他倆都是很有名的上海食肆名稱，不過時代變遷，而家就只有灣仔呢一間三六九碩果僅存了！是晚我與姐姐見到拐彎轉角的招牌，對望一眼已意會，不用多說便一起走進這老牌上海菜館，實行懷緬一下。二人點了炸銀絲卷、酸辣湯、嫩雞擔擔麵。流傳咁耐，黎得呢度都係食佢個老字號的；好似今晚，星期六晚上八點半黃金時段，一眼睇晒只有四檯人（計埋我呢檯），其他三檯都係遊客。味道方面，說實在，佢冇＂與時並進＂，難聽Ｄ講，佢冇進步過囉。。。先講炸銀絲卷：唔叫都冇煉奶俾客人點來食。層皮炸得唔脆。個酸辣湯：似街頭小食的碗仔翅，不過勝在夠大碗，二人分來食每人都可以食到３碗滿。而個嫩雞擔擔麵：好油，花生醬欠奉，麵質普通，出唔到擔擔麵神髓和味道；成碗麵勝在Ｄ雞肉冇骨又夠滑。點都好，三六九都算係飲食界的集體回憶。總括呢餐，令我最懷念的，竟然係阿姐不斷同我地ＲＥＦＩＬＬ熱茶，抵讚！