Video
Read full review
2022-03-09
1558 views
餐廳：萍萍上海館 (長沙灣)地址：長沙灣青山道338號順利商業大廈地下A號舖疫情底下小店真喺買少見少，當集團式餐廳同店舖都相繼結業或者唔開舖，更何況係小店呢🥺？喺疫情底下大家除咗要身體健康，分享更多愛同關心之外，呢啲小店亦都好需要我哋去支持💪，而我今次就去咗長沙灣呢間有兩間分店嘅萍萍上海館，另一間就喺筲箕灣果邊佢哋長沙灣呢間店開咗兩個幾月，老闆同師傅喺上海人，所整嘅上海菜比較正宗同地道🤩。餐廳唔算好大，有大概8至10張枱，下晝四點幾嚟到都有唔少人嚟買外賣同堂食，原來5:30pm之後外賣自取有九折優惠，嘢食款式都幾多，由小菜到湯麵🍜，仲有唔少客飯同埋炒粉麵，價錢好平民化，難怪吸引咁多人嚟幫襯😎叫咗兩個午市點麵餐，可以喺八款招牌點心入面揀一樣，再揀一款粉麵，價錢都喺$55-$60，仲包一杯豆漿或者熱飲☕️✝️紅油抄手配萍萍湯麵 $55 抄手有五隻，醬汁香香麻麻，小辣得嚟唔會嗆鼻🌶，另外帶有黑醋同蒜蓉香，都幾開胃😋。萍萍湯麵喺餐廳自製嘅上海油麵，加咗肉碎同酸菜等配菜，簡單得嚟不失地道惹味✝️炸銀絲卷配酸辣湯麵 $58好耐無食過銀絲卷，蒸好之後經油鍋炸至表面金黃香脆，夾開見到裏面銀絲縷縷，入口軟綿油
地址：長沙灣青山道338號順利商業大廈地下A號舖
疫情底下小店真喺買少見少，當集團式餐廳同店舖都相繼結業或者唔開舖，更何況係小店呢🥺？喺疫情底下大家除咗要身體健康，分享更多愛同關心之外，呢啲小店亦都好需要我哋去支持💪，而我今次就去咗長沙灣呢間有兩間分店嘅萍萍上海館，另一間就喺筲箕灣果邊
佢哋長沙灣呢間店開咗兩個幾月，老闆同師傅喺上海人，所整嘅上海菜比較正宗同地道🤩。餐廳唔算好大，有大概8至10張枱，下晝四點幾嚟到都有唔少人嚟買外賣同堂食，原來5:30pm之後外賣自取有九折優惠，嘢食款式都幾多，由小菜到湯麵🍜，仲有唔少客飯同埋炒粉麵，價錢好平民化，難怪吸引咁多人嚟幫襯😎
叫咗兩個午市點麵餐，可以喺八款招牌點心入面揀一樣，再揀一款粉麵，價錢都喺$55-$60，仲包一杯豆漿或者熱飲☕️
✝️紅油抄手配萍萍湯麵 $55
抄手有五隻，醬汁香香麻麻，
小辣得嚟唔會嗆鼻🌶，另外帶有黑醋同蒜蓉香，都幾開胃😋。
萍萍湯麵喺餐廳自製嘅上海油麵，加咗肉碎同酸菜等配菜，簡單得嚟不失地道惹味✝️炸銀絲卷配酸辣湯麵 $58
好耐無食過銀絲卷，蒸好之後經油鍋炸至表面金黃香脆，夾開見到裏面銀絲縷縷，入口軟綿油潤，重點緊喺蘸埋煉奶，甜而帶些少油膩感真係好吸引🤤。
酸辣湯麵嘅湯底比較稠，有啲似糊狀，比我想像中無咁辣，以陣陣酸香為賣點，當中加入木耳同豆腐等材料，食落口感層次就更加豐富👏
✝️招牌上湯小籠包 $70
本身以為一籠8隻，點知原來係分開咗兩細籠，每籠有4隻，單價價錢同叫4隻小籠包一樣🙈。
嚟到熱辣辣出曬煙緊喺要趁熱食♨️，唔敢話皮薄餡靚，但皮嘅厚度真喺啱啱好，唔會一夾就穿，或者咬落成口粉，豐富鮮甜嘅肉汁配埋香濃豬肉，
配埋薑醋就perfect😙
✝️鮮肉鍋貼 $45
店員話唔可以唔試呢度嘅鍋貼，接近$10一隻感覺有少少貴🤏，但原來都算大隻，鍋貼底部煎香微脆，面頭軟嫩香滑，餡料除咗豬肉之外仲有啲爽口蔬菜，配埋餐廳自家製嘅辣椒醬辣辣哋別有一番風味🤪
Post
