一碗小麵

Open Now

Now Closed

到黃埔附近買嘢，途經小店，想幫襯好耐，門外招牌介紹: 重慶麻辣小麵，有時只得一個人食飯，隨便食簡單麵食，今日朋友來訪，下午茶、午餐一起吃。店鋪唔大，只放4張檯，鋪尾係一個開放式廚房，簡潔裝修，好別緻，牆上掛住店鋪麵食及招牌系列推介，還有老闆的英文名字店名 Yvonne’s Noodle。食物種類，貴精不貴多，餐牌簡單清楚。每檯放有自家製嘅菊花水，以供客人飲用，味道清爽，好解渴。見到隔離檯，個個客人都食豬手麵，我都要食!!! 辣度自行選擇: 走辣／微辣／小辣／中辣／地道辣… 到底咩嘢係”地道辣”呢?? 唔太好辣，唔天敢試, 哈哈… 揀咗小辣。賣相好吸引，大大件豬手，睇見就想食，未食就已聞到好香嘅麻辣味。重慶香料，煮成湯底，豬手燘到好腍，味道好濃，辣味啱啱好，麵有彈性好食。勾魂涼麵，真係比佢勾了一勾…魂一暈… 店員推介，涼麵有青瓜、豆芽、肉碎作為涼拌配料，再加上秘製醬汁，麵帶點微辣，口感爽口，夏天消暑最佳麵食。川菜: 夫妻肺片，傳統做法用肺、心、舌等煮成，落戶香港，已變咗好多，這間的夫妻肺片是用牛肚、牛舌、牛展，切成片狀而薄，牛肚肉質鮮嫩爽口，牛展味濃，再配上麻辣鮮香味嘅醬汁，用來送酒更一