銀津點心茶餐廳

Open Now

Now Closed

今日星期日，一家四口去左飲茶，今次無揀連鎖的酒樓，反而黎左旺角花園街的一間地鋪，鋪雖然唔算好大，但鋪面好光鮮，又乾淨。四個人點左十幾碟點心，所有點心都即叫即整，熱辣辣，非常新鮮︰懷舊馬拉糕蒸得岩岩好，唔會乾唔會燶，最重要係好鬆軟。鵪鶉蛋燒賣依個點心唔係間間都有得食，個燒賣非常多蝦，又大隻，口感一流。春風得意腸依個點心依家好多酒樓都有賣，但好多都麻麻地。但依度可以做到最出邊的腸粉夠滑，內的炸蝦卷夠脆，最內包住大大舊有彈性的蝦肉，好有層次，好有水準。鳯凰煎糯米雞依個真係好特別，唔係一般荷葉包住的糯米雞，而係外面煎得脆口，內涵有足夠的配料，新穎。依度茶介只係$3，又唔駛加一，點心又平，真係好抵食實惠。