茶屋町 (長沙灣道) (Closed)

好耐無出深水埗，為左平民小店可以繼續做落去，係open rice 揀左呢間日式小店試試。叫左一個豚肉飯同雞扒烏冬。兩款肉既醬汁都非常濃味，重口味愛好者應該好受落，不過我地就麻麻。食呢餐飯灌左唔少水。最大件事都係碗飯！啲飯差不多8成都係濕既…果然一碗靚白飯唔係人人做得到…唔知係落水太重水定係疏氣唔夠啦…呢碗飯食完好似無食咁。雖然小店真係賣少見少，但基本食物水平好緊要架，希望佢會留意返啦！我唔想下次到深水埗又少左間小店。