KLN Cafe (Closed)

觀塘真係好多嘢食選擇，今日又去到工廈區嗰邊尋寶，發現觀塘熟食市場都好多人食飯～ 點知原來有間小店KLN Cafe，店舖雖小，但裝修幾型格特別～ 幾個後生仔開嘅餐廳，決定支持下💪🏻～ 食物以意粉同飯為主，可以自由選唔同嘅醬汁同埋配料，每款都係＄52，然後仲可以以半價加沙律、飲品、小食等，真係非常抵食～ 結果我哋自選咗一個意粉，同一個飯～芝士汁珍珠帶子蝦仁意大利飯＄52賣相唔錯，意大利飯軟硬適中，好香濃芝士味，而且係有拉絲嘅感覺，所以係有真材實料嘅芝士嘅～ 帶子同蝦仁亦有一定份量，味道好好👍🏻😋墨汁魷魚圈牛柳粒扁意粉＄52首先一讚係牛柳粒真係幾好味，淋身有肉味，魷魚圈分量唔算多，不過味道都唔錯，至於墨汁扁意粉味道也不錯，不過個人比較喜歡芝士汁意大利飯～唐揚炸雞配辣椒仔沙律醬 $16有六件炸雞，肉質唔錯，味道亦好好，辣椒仔沙律醬好惹味😋，同炸雞好襯，值得推介👍🏻