泰Yummy (Closed)

琴晚因為OT夜左收工，同男朋友嚟咗元朗呢邊，好肚餓嘅情況下望左幾間都唔太啱心水，行到嚟呢間泰國野門口，男朋友俾佢門口一張咖喱軟殼蟹嘅相吸引左🦀好肚餓咩都冇諗就行咗入去試吓啦，估唔到又幾好食喎，最想讚嘅係店員好有禮貌，因為冷氣開得好大，我本身比較寒，我即刻舉手同店員講，店員即刻幫我校細冷氣同埋幫我地轉枱❤️👍🏻呢個舉動對於客人來講好細心好窩心，講吓嘢食，我哋就叫咗半隻海南雞，咖喱軟殼蟹，生蝦，兩碗油飯🤤我自己就最鍾意佢個海南雞，因為真係啖啖肉同埋啲肉真係好滑，讚👍🏻男朋友就好鍾意佢嘅軟殼蟹，不過真係唔錯，個咖喱攞嚟撈飯食，勁開胃，而且入邊份量好多，平時食泰國野叫咖喱軟殼蟹入邊得個一兩舊😂呢度嘅咖喱軟殼蟹份量我哋兩個人食都食唔晒😅飽到傻左😂生蝦更加冇得輸，食泰國嘢必點嘅，而佢呢到既生蝦都做得好好，食得出係新鮮既，唯一問題就係野飲比較貴，其他都冇乜嘢可以挑剔👍🏻👍🏻