博多拉麵別天神 (Closed)

日本拉麵，喺香港少食，十居其九會中伏，無謂失望！呢排無得翻鄉下，終於忍唔住，啱啱喺附近，見呢間食評極高，趁午飯過後時段，人少少去，門口有部自助點餐機，果然日式風格，店員主動幫忙，三兩下就搞掂（主要係選擇唔多😂）。環境：木吧檯高櫈全日feel，調味料冰水壺水杯，熟口熟面。碗麵：可能就翻香港人口味，個湯底淡咗少少，但係唔影響佢散發濃濃嘅豚骨香味，我揀硬身麵，基本配料係櫻花蝦、叉燒、粟米、蔥，而其實我個目標係調味架上面嘅辣芽菜，所以，即落，雖然唔係肥仔芽菜，但係我已經好滿足，因為落咗唔少，真係唔好意思！成碗日本味道，完成。（哎呀！唔記得加糖心蛋）結語：有heart製作，支持支持。