嚐麥手作

Open Now

Now Closed

好耐之前就聽人講過嚐麥手作呢間麵包小店，但一直未有機會去試。最近因為做project關係，經常出入新蒲崗，所以終於有時間去試喇。今日買左檸檬皮布里歐同小山園抹茶甜心土司🍞。一出舖頭就忍唔住開個抹茶甜心土司嚟試， 一打開個麵包袋，好大陣抹茶味飄出嚟🍵。小山園係我最喜歡嘅一間京都抹茶店， 我每次去京都都一定去朝拜呢😍！每土司一啖咬落去皮脆而且好甜，應該係掃左一層糖係面， 個包心就軟綿綿好似海綿咁，但又有少少Q彈，抹茶味好濃郁，有被糖奶沖淡佢原本甘香嘅味道👍。而個檸檬皮布里歐texture就好特別，似麵包又似蛋糕返去問店員先知原來做呢個包時係完全冇加水架， 所以食起上嚟會好似蛋糕咁有陣奶油香味，加埋糖漬檸檬皮🍋，可以提味減膩之餘又有一陣清新香氣，嗯，雖然價錢稍貴，但都值得買返去同屋企人分享😋😁🤭。