榴蓮王 (Closed)

其實香港都好多鍾意食榴槤嘅人㗎，但係搵一間所有製品都係榴槤嘅店舖，真係少之又少。今次我哋就嚟咗一間油麻地嘅小店，品嚐一下各式各樣既榴槤小食啦～ 呢間小店，乜嘢榴槤製品都有，包括貓山王冰皮月餅， 但係好似中秋節已經過咗囉喎。 呢度最出名嘅應該係個貓山王榴槤pizza，但我哋今次冇試呀，試咗其他榴槤小食。 老闆係一個勇於創新嘅人，今次佢就發明咗呢個榴槤芝士火鍋，我估都係全港獨一無二掛。見佢咁有誠意，就叫咗呢個芝士火鍋試一試啦。 一上到枱，香味已散發咗出嚟。榴槤同芝士本身都係一種好重香味嘅食物，佢哋溝埋一齊好似有有一種化學嘅作用咁，除咗香味之外，食落去味道仲更加濃烈，一啖一啖嘅榴槤香從芝士汁度散發出嚟，味道層次好獨特。 榴槤梳乎厘 面頭鋪滿咗一層嘅榴槤蓉，榴槤蓉非常之清甜，好味。而梳乎厘呢就外脆內軟，而且裏面蛋味濃郁，配合榴槤蓉，味道非常之夾， 冬天食，熱辣辣，好暖心。 跟住就係呢個榴槤白雪米餅。呢個雪餅都係熱食，外面好似糯米糍嘅一層餅，質感煙煙韌韌Q彈，好正，而入面充滿左香甜既榴槤蓉，好好食。 食咗咁多嘢家要飲番杯嘢，濕濕個口啦。呢杯紅毛榴槤汁，雖然叫榴槤但係唔係食開嗰隻榴槤味。佢味道反而